Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

NDËRKOMBËTARE

Austri, rrëzohet qeveria e Kancelarit Kurz. Presidenti duhet të caktojë pasuesin

Politiko 27 Maj 2019, 17:04
Austri, rrëzohet qeveria e Kancelarit Kurz. Presidenti duhet të

Parlamentarët austriakë kanë votuar në favor të një mocioni mosbesimi kundër qeverisë së Kancelarit Sebastian Kurz, duke shënuar kështu fundin e pushtetit të “Partisë Popullore” të drejtuar prej tij.

Partia e Lirisë e ekstremit të djathtë (FPÖ), deri pak kohë më parë aleat koalicioni në qeveri, iu bashkua socialdemokratëve të qendrës së majtë dhe ambientalistëve të majtë “Jetzt”, në mocionin e ngritur kundër Kurzit dhe qeverisë së tij.

Qeveria kujdestare e pakicës, që përfshinte ekspertë dhe punonjës të lartë të sektorit publik, u betua në detyrë vetëm javën e kaluar.

Partia liberale “NEOS” votoi kundër mocionit, duke thënë se preferonte të shmangte destabilitet të mëtejshëm politik.

Ndërsa Kurz kishte mbrojtur më herët arritjet e qeverisë së tij, teksa shpjegoi vendimin për t’i dhënë fund partneritetit në koalicion me FPÖ-në. Kjo parti është përfshirë nga skandali i korrupsionit i shpërthyer më herët gjatë këtij muaji, kur kreu i saj Heinz-Christian Strache u shfaq në një videoregjistrim duke ofruar favore ndaj një investitoreje të supozuar ruse.

“Ishte e qartë për mua që kjo gjë shënonte fundin e koalicionit”, u tha ligjvënësve Kurz. Por, partitë e opozitës e akuzuan atë se ishte i njëanshëm në gjetjen e fajtorit të krizës, sepse ishte zgjedhja e tij që të hynte në koalicion me FPÖ-në dhe jo një parti tjetër. Ato pretenduan gjithashtu se ai dështoi të gjente një zgjidhje ndërpartiake për situatën.

Presidenti austriak, Alexander Van der Bellen pritet të caktojë një Kancelar tashmë që të formojë qeverinë, e cila do të duhet të sigurojë mbështetjen e Parlamentit deri në zgjedhjet e ardhshme kombëtare të përcaktuara për në shtator.

Të fundit