Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Autor i shkrimit në Bild? Manjani -Ramës: Po gënjen nga mllefi që ke me mua, apo nga përmbajtja e shkrimit

Politiko 17 Maj 2019, 07:27

Autor i shkrimit në Bild? Manjani -Ramës: Po gënjen nga

Kryeministri Edi Rama ka mohuar akuzat e gazetës Bild, që e cilësoi si gangster dhe të përfshirë në dosjen ‘184’ në blerjen e votave në Dibër. Në emisionin ‘Opinion’, Rama deklaroi se artikulli është shkruar nga Ylli Manjani dhe gazetari Basir Çollaku.

“Bildi është një tabloid. Nuk kam asgjë për të thënë. E ka shkruar Ylli Manjani dhe Basir Çollaku. Këta te dy janë furnizuesit dhe autoret e këtij shkrimi. Unë po përgjigjem dhe po të them qe Bildi ka bere një publikim bazuar ne këto burime. Njeri është i TV Shijakut dhe tjetri i ‘filxhanit”, deklaroi Rama që mohoi së është i përfshirë në dosjen 184.

Pas deklaratës së tij, vjen edhe reagimi i ish ministrit të Drejtësisë, i cili mohon të jetë autori, por vetëm është cituar për deklarime të hershme.

“Mora vesh që Kryeministri, në Opinion paska thënë që shkrimin në Bild e kam bërë unë. Jam i shtrënguar të deklaroj se ky pohim publik i Kryeministrit është i gënjeshtërt.

Ashiqare madje! Nuk e di nga buron nevoja për të gënjyer, nga mllefi që ka me mua, nga përmbajtja e atij shkrimi apo nuk di më të lexojë?!

Po fundja ç'rëndësi ka arsyeja përse gënjen. Fakt është që ai artikull është shkruar nga Peter Tiede dhe jo nga unë. Fakt është që unë jam cituar për deklarime të hershme të miat në atë shkrim vetëm me tre fjali.

Nëse ato tre fjali janë ende të pagëlltitshme nga Kryeministri, ky është problem i Tij, jo imi. Mjerim i madh duket, kur Kryeministri lë çdo punë e shpik skenare me shkrime gazetash. Sidoqoftë, prap po pyes: pse Bild zgjodhi të më citojë mua dhe jo Kryeministrin bie fjala?

Ai flet më shumë se unë... Dhe me në fund, meseletë me fall e me fallxhorë tua tregojë plakave të Surrelit, në ja pranofshin edhe ata, jo mua! Mendimi dhe fjala ime janë të miat, si gjithmonë”, reagon Manjani.

Më herët reagoi edhe gazetari Basir Çollaku, ku i dërgoi një mesazh Blendi Fevziut. Gazetari paralajmëron se në ditët në vijim, gazeta gjermane do të publikojë një investigim të plotë, pa dhënë detaje për çfarë behët fjalë.

“Kryeministri do të bindet me emrat që do dalin së shpejti nga Bild dhe do të habitet nga investigimi i plotë i gazetës gjermane që do të publikohen në ditët në vijim”.

Artikulli i Bild shkruante se “më 11 shtator të vitit 2016, Rama i telefonoi kreut të një komisioni zgjedhor rajonal për të pyetur nëse zgjedhjet kishin shkuar ashtu siç ishte diskutuar. Përgjigja e drejtuesit të zgjedhjeve: Po, shef, gjithçka siç e kemi diskutuar. Rasti është i njohur në Shqipëri si ‘Dosja 184’”

Manjani dhe Çollaku ishin pjesë e artikullit të Bild, që u publikua tre ditë më parë dhe trazoi më shumë klimën politike në Tiranë.

Artikulli u kundërshtua nga deputetja Blerina Gjylameti, që deklaroi se opozita ka paguar para për të, ndërsa Elona Gjebrea paralajmëroi se do ta padisin gazetën për shpifje