“Avioni vetëm për punë”, PD kërkon arsyen pas udhëtimit të Kryeministrit: Rama s’mund të fshihet, pse ishte në Francë me charter privat?

Partia Demokratike ka reaguar sërish përsa i përket udhëtimit të kryeministrit Rama drejt Parisit me charter privat. Duke e cilësuar “të turpshme harxhimin e mijëra eurove për luksin personal”, PD kërkon arsyen e këtij udhëtimi.

“E turpshme është që Edi Rama të harxhojë me mijëra euro për luksin personal, kur shqiptarët i ka lënë në pikë të hallit. E turpshme është që Edi Rama te udhëtojë si hajdut me charter personal dhe ta mbajë të fshehtë arsyen. E turpshme është të justifikosh luksin dhe vjedhjen e Ramës, duke akuzuar opozitën që zbuloi të vërtetën e udhëtimit në fundjavë prej 100 mijë euro me avion privat. Edi Rama nuk mund të fshihet. Ai ka udhëtuar me avion privat në fundjavë në Francë. Pse?”, thuhet në deklaratë.