Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Avokati i Xhisiela Malokut: Çitozi më thirri në 10 të darkës. E çuditshme tërheqja e kallëzimit të vajzës

Politiko 28 Shtator 2018, 13:37
Avokati i Xhisiela Malokut: Çitozi më thirri në 10 të

Avokati i Xhisiela Malokut Elton Frangu, ka qenë i pranishëm në komisariatin e policisë së Fushë Krujës kur Xhisiela Maloku tërhoqi kallëzimin e bërë ndaj djalit të deputetit të PS, Rrahman Rraja.

Në një intervistë dhënë për gazetaren e News 24, Klodiana Lala, avokati shprehet se i është kërkuar të shkojë në komisariatin e Fushë- Krujës nga oficeri i policisë, Gentian Çitozi, pas orës 22:00, pasi një vajzë kërkonte të tërhiqte një kallëzim penal të bërë mëngjesin po e asaj dite.

I pyetur nga Lala nëse ka konstatuar frikë të vajzës në momentin që tërhoqi kallëzimin, avokati shprehet: "Jo, përvec habisë asgjë tjetër. Habi, mu duk e çuditshme që kallëzimi është kryer në mëngjes, dhe tërhiqet në darkë”.

Intervista e plotë:

Klodiana Lala: Në këtë historinë ku një oficer policie denoncon për një ngjarje në komisariatin e Krujës, rezulton që avokat keni qenë ju në gjithë marrjen në pyetje. Mund të më japësh një qëndrim, i referohem Rexhep Rrajas dhe Xhisiela Malokut

Avokati: Me kanë thirrur nga ora 22:00 e mbrapa meqë jam avokat i caktuar kryesisht dhe kam zyrën në Fushë Krujë.

Klodiana Lala: Mban mend datën, periudhën? Kush të ka thirrur?

Avokati: Datën se mbaj mend, korrik ka qenë. Më ka thirrur oficeri që ishte Çitozi

Klodiana Lala: Dhe cfarë të tha?

Avokati: Ka një rast nëse mund të vish si avokat kryesisht

Klodiana Lala: Interesat e kujt do mbronit?

Avokati: Në telefon mu tha ka një rast vetëm. Shkova dhe kur pashë ishte vajza që donte të bënte tërheqjen e kallëzimit. Unë më shumë isha se tërheqja nuk ka nevojë për avokat në kodin e procedurës penale. Më shumë i thash kujdes se ti ke dhënë një kallëzim e mos mbash përgjegjësi për kallëzim të rremë vetëm ky moment. Që mos rëndohen pozitat e vajzës, më pas kam ikur.

Klodiana Lala: Keni konstatuar të vijë djali që vajza kishte kallëzuar apo persona të tjerë.

Avokati: Kam qenë natën dhe nuk di. Ngjarja ka filluar nga mëngjesi unë në darkë kam shkuar. Shkova vetëm që vajza mos mbajë përgjegjësi ligjore për tërheqjen, vec këtu jam përqendruar ta orjentoj.

Klodiana Lala: Vajza ishte ne praninë tuaj?

Avokati: Ishte edhe psikologu

Klodiana Lala: Keni qenë më pjesë e cështjes.

Avokati: Jo nuk më ka thirrur kush. Nëse më kërkohet do jap sqarimet

Klodiana Lala: Po Rexhep Rrajan e njihni ?

Avokati: E njoh si emër se është bërë edhe publik tani.

Klodiana Lala: Ligji e lejon tërheqjen e kallëzimit?

Avokati: Është shprehje e vullnetit. Unë jam munduar që mos mbajë përgjegjësi penale. Është vullneti i saj s’kam pse ndikoj unë.

Klodiana Lala: Konstatuat frikë?

Avokati: Jo, përvec habisë asgjë tjetër. Habi, mu duk e çuditshme që kallëzimi është kryer në mëngjes, dhe tërhiqet në darkë.

Klodiana Lala: Shenja të dukshme dhune ?

Avokati: Jo nuk kam parë.

Të fundit