Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Avokatja e Popullit: Utopike të kërkosh drejtësi nga autoritetet shtetërore mbi informacionin që gjenerohet në universin online

Politiko 20 Dhjetor 2019, 11:11

Avokatja e Popullit: Utopike të kërkosh drejtësi nga autoritetet

Avokatja e Popullit, Erinda Ballanca është ndalur gjatë te liria e medias, pas miratimit të paketës Anti-shpifje’ dy ditë më parë në Parlament.

Gjatë konferencës vjetore me tëmë “Liria pa urrejtje liria e shprehjes përballë të drejtave të tjera të njeriut”, ku të pranishëm ishin edhe presidenti Ilir Meta dhe kreu i Kuvendit Gramoz Ruçi, Avokatja e Popullit tha se është utopike të kërkosh drejtësi nga autoritetet shtetërore mbi informacionin që gjenerohet sot në universin online.

“fjala e lirë u vu seriozisht në pikëpyetje ditët e fundit kur të gjithë jemi dëshmitarë të debateve të mëdha rreth paketës tashmë të miratuar për disiplinimin e kontentit të mediave online në Shqipëri.

Përmbajtja shpesh shqetësuese dhe pa standarde profesionale në galaktikën heterogjene të medias online, u shndërrua në një justifikim për t’ia nënshtruar “rregullimin” e këtij kaosi, institucioneve në varësi të qeverive.

Se kush duhet të jetë struktura që duhet të vendosë rregull në këtë botë kaotike, ky është një debat global. Disa javë më parë, komediani i famshëm britanik Sasha Baron Cohen, foli për atë që do të ishte rrjeti social facebook nëse do të binte në duart e nazistëve në vitet 30. Edhe vetë Hitleri do të kishte mundësi të postonte materiale propagandistike në facebook, po të kishte arritur të kishte një llogari atje, në dobi të kauzës së vet të shfarosjes së hebrenjve.

Baron Cohen, i cili është njëkohësisht edhe një activist I zellshëm dhe kreativ për të drejtat e njeriut, foli për atë që e quajti ngatërresa midis “free speech” dhe “free reach”. Dikush duhet të ndërhyjë, thërrasin aktivistë të shqetësuar si Sasha Baron Cohen. Dhe mbase të zgjedhurit demokratikë të institucioneve tona shtetërore, mund të jenë më të përshtatshmit, sugjerohet tani.

Mirëpo, të nderuar miq, edhe pse mund ta llogaris veten time të rreshtuar midis atyre që me sinqeritet të plotë thërras “duhet rregull”, sërish stepem kur hedh vështrimin për të parë shëndetin e demokracive prej të cilave kërkohet sot kryerja e kësaj detyre.

Po, vërtet të zgjedhurit në mënyrë demokratike nga popujt e vendeve tona, mund të ishin ata që mund të kujdeseshin e të ndërtonin mekanizma që do ta frenonin agresionin e fake neës, hate speech e plot pabesive të tjera që godasin aftësinë e shoqërive tona për të perceptuar realitetin përmes mediave online apo edhe rrjeteve sociale.

Mirëpo sa të sigurt jemi ne në demokracitë tona? Sa të shëndosha janë themelet e institucioneve që kemi ndërtuar?

Nuk e di më, nëse të njëjtat ligjësi frenuese që mund të zbatoheshin mbi grupime okulte terroriste që përhapin propagandë mashtruese në rrjet po zbatohet me po atë rreptësi edhe ndaj kompanive të lobingut apo atyre të online marketing që kundrejt pagesës janë në gjendje të fabrikojnë idhuj të rremë tolerance dhe lirie brenda trupit të diktatorëve më gjakpirës.

Si I bëhet pra? Si mund të vihet rregull në këtë kaos?

Unë vazhdimisht kam qenë partizane e mendimit se nuk ekziston diçka e tillë si një zgjidhje e thjeshtë për çështje komplekse. Dhe, të nderuar miq, të kërkosh që autoritetet shtetërore, përmes forcës së tyre (shpesh edhe selektive ne zbatimin e ligjit) të vënë drejtësi mbi oqeanin e informacionit që gjenerohet sot në universin online, është jo vetem nje një përgjigje e thjeshtë dhe sipërfaqësore por edhe utopike.

Mësimi që nxjerrim nga ky debat, është se sot posedojmë teknologji që e tejkalojnë aftësinë tonë për ta kontrolluar ndikimin e tyre. Pra, shoqëria jonë sot, është më e zonja të ndërtojë teknikisht sesa të kuptojë intelektualisht. Jemi pra përballë një mungese, dhe kjo është mungesa e kuptimit. Nuk mund ta zgjidhim një problem, nëse fillimisht nuk e njohim atë në mënyrë të gjithanshme.

Dhe qyshse njeriu u bë njeri, kemi vetëm një mënyrë njohjeje: edukimi.

Ajo që duhet të bëjmë, nuk është të kufizojmë sasinë e informacionit që një numër gjigantesk njerëzish, grupimesh, prirjesh dhe filozofish përhapin sot përmes teknologjisë online.

Ajo që duhet, është ta bëjmë ndikimin e së keqes të padëmshëm. E kjo mund të arrihet vetëm përmes një përpjekjeje të madhe për emancipim, edukim dhe zhvillim të aftësive të mendimit kritik në shoqërinë tonë të sotme. Jo investim në polici e burgje të të gjitha llojeve, qofshin ato edhe polici të mendimit dhe burgje të ideve. Përkundrazi: shkollë e dituri për të gjithë e me çdo mënyrë e promovim standartesh te larta!!!! Ta fillojme ne e ta fillojme nga vetja!!!!”, tha Ballanca.