Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Balla-Meta/ Reagon Gjekmarkaj: Presidenti e teproi, shpresoj të jetë për shkak të temperaturave

Politiko 2 Korrik 2019, 16:12

Pas përplasjes mes presidentit Ilir Meta dhe gazetarit Sokol Balla, ka reaguar analisti Agron Gjekmarkaj, i cili i ka dalë në krah Ballës.

Gjekmarkaj shprehet se tashmë jemi mësuar me hakërrime ndaj gazetarëve, dhe i ka bërë thirrje Metës që të ruajë etikën.

Kujtomë se kjo përplasje filloi me deklaratën që Meta bëri ndaj Ballës, duke ju përgjigjur në mënyrë tendencioze gazetarit të Vizion Plus.

Menjëherë pas kësaj, gazetari Balla i është përgjigjur me anë të një postimi në instagram, ku e fton Metën që të shkojë në një përballje me të në emisionin Real Story.

Reagimi i Agron Gjekmarkaj:

Prej vitesh jemi mësuar të shohim skena sesi politikanët e lartë shqiptarë ju hakërrehen gazetarëve! Me lehtësinë që është vetëm e tyrja, i fyejnë dhe u ndërtojnë kontekste që duan vetë për qëllime të çastit! Nëse kemi këta politikanë e politikë që kemi nuk është faji i gazetarëve, por merita e tyre që "Mbreti" shfaqet lakuriq! Gazetarët janë fëmijët që thërrasin në çdo rast! Kemi besuar se termi kazan ishte më fyesi, por sot Presidenti Ilir Meta i tejkaloji pritshmëritë me gjuhën dhe aluzionet e përdorura ndaj moderatorit dhe gazetarit të njohur, Sokol Balla! Presidenti duhet ta ruajë etikën publike dhe jo ta qëllojë atë me breshëri frazash të padenja! Unë shpresoj të jetë një lapsus i Presidentit nga temperaturat e larta të stinës dhe ngjarjeve politike, të cilin do të duhej ta korigjonte nëpërmjet të kërkuarit falje publikisht! Në pritje që kjo të ndodhë i shpreh solidaritet pa mëdyshje  kolegut Balla në plan njerëzor e profesional! Në çdo rast gazetarët shqiptar janë më profesionalë dhe etik se politikanët! Bast për të kundërtën nuk duhet vënë kurrë!

Të fundit