Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Balona Tabake e PD-së”, Pampuri reagon për përplasjen Rama-Tabaku: Shembull i qartë i agresivetitit të komunikimit të kryeminsitrit me gratë

Politiko 10 Prill 2020, 12:45
“Balona Tabake e PD-së”, Pampuri reagon për

Pas replikave mes kryeministrit Edi Rama dhe ish-deputetes Jorida Tabaku, ku kjo e fundit ka folur shpesh rreth situatës dhe masave ekonomike të ndërmarra në vend si pasojë e pandemisë, çka ka nxitur kundërpërgjigje nga Rama duke e cilësuar “Balona Tabake e PD-së” ka reaguar ish-deputetja Orjola Pampuri.

Në një reagim në Facebook, Pampuri thotë se kryeministri zgjedh gjuhën agresive me gratë pasi i mungojnë argumentat.

Duke e quajtur sulmin verbal një turp të vërtetë të kryeministrit, Pampuri u bën thirrje organizatave dhe institucioneve kundër diskriminimit të grave, që të mos heshtin.

Reagimi i plotë

Në mënyrë të përsëritur nga facebook dhe mbrëmë në intervistë në një nga emisionet e mbrëmjes kryeministri sulmoi kolegen Jorida Tabaku, e cila pak orë më parë kishte argumentuar qartas pamundësinë e shumë qytetarëve dhe të vetëpunësuarve për të përfituar pagën e premtuar nga qeveria.Ky sulm i përsëritur i kryeministrit ndaj zonjës Tabaku është shembull i qartë i agresivetitit të komunikimit të Edi Ramës me gratë. Kjo sjellje  primitive risjell në vëmendje dhjetëra raste të dhunës verbale dhe psikologjike që Edi Rama ushtron kundër grave, kundërshtare në politikë apo edhe brënda partisë së tij dhe gazetarëve femra apo pjesëtare të shoqërisë civile.

Ky është një turp i vërtetë për Edi Ramën i cili mesa duket e ka të pamundur të shkëputet nga retorika mizogjeniste. Sot i bëj thirrje si grua, të ndalë menjëherë çdo sulm seksist kundër grave në politikë dhe në media dhe të kërkojë publikisht ndjesë për gjuhën e përdorur kundër koleges Tabaku. I bëj thirrje organizatave në mbrojtje të të drejtave të grave të mos heshtin por të reagojnë për këtë sulm banal të kryeministrit ndaj zonjës Tabaku.

Bëj thirrje gjithashtu që të mos heshtin por të reagojnë të gjithë ato organizata dhe institucione shqiptare apo ndërkombëtare që japin apo përdorin fonde kundër diskriminimit dhe gjuhës së urrjetjes ndaj grave, apo për të mbrojtur të drejtat e tyre.

Të fundit