Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Bardhi publikon shkresën: Qeveria ka shpërndarë 10 mijë pako ushqimore, jo 250 mijë sa pretendon

Politiko 26 Prill 2020, 20:17
Bardhi publikon shkresën: Qeveria ka shpërndarë 10 mijë pako

Sekretari i përgjithshëm i Partisë Demokratike Gazmend Bardhi publikoi një dokument të Agjencisë së Mbrojtjes Civile, që informon se deri në datën 25 prill janë shpërndarë rreth 10 mijë pako ushqimore. Sipas Bardhit, ky dokument zbulon mashtrimin e qeverisë që pretendon se ka ndihmuar rreth 250 mijë familje prej nisjes së pandemisë.

“Rreth orës 21.00 të çdo mbrëmje, qytetarët shqiptarë ushqehen me një gënjeshtër të re nga Edi Rama. Përmes regjimit të facebook-ut, ai njofton se qeveria ka furnizuar me ndihma rreth 10 mijë familje në ditë, 250 mijë familje gjithsej që nga mbyllja e ekonomisë. Kjo është një nga talljet e tij të zakonshme me shqiptarët që po vuajnë pasojat e keqmenaxhimit të krizës. Kjo është një gënjeshtër e shëmtuar e kllounit që kemi për kryeministër, i cili nuk do t’ia dijë për mijëra familje në nevojë dhe biznese pa asnjë të ardhur që i ka lënë në mëshirë të fatit.

E vërteta është shumë larg asaj që propagandon Edi Rama çdo mbrëmje. Megjithëse numri i atyre që kanë mbetur pa punë, i atyre që kanë më pak të ardhura ose që nuk kanë fare të ardhura është rritur ndjeshëm, qeveria ka shpërndarë më pak 10 mijë pako ushqimore për 50 ditë. Më saktë, 9 059 pako ushqimore nga Rezervat e Shtetit, siç tregojnë të dhënat zyrtare të Agjencisë për Mbrojtjen Civile”, shkruan Bardhi.

Ai ngre pyetjen se ku shkuan 1.5 milionë euro, ndërsa e quan përpjekje “kriminiale për të mbuluar propagandën me vështirësitë reale që kanë qytetarët. “Kjo do të thotë se qeveria ka furnizuar me ushqime,  mesatarisht, 3 familje në ditë për çdo bashki të vendit. Atëherë ku shkuan 1.5 milionë euro të cilat ia dha klientit të vet të preferuar për të furnizuar me ushqime Rezervën e Shtetit?

Të japësh 9 059 pako me ushqime dhe të thuash që ke ndihmuar 250 mijë familje nuk është thjesht një gënjeshtër e radhës. Është një përpjekje kriminale për të mbuluar me propagandë vështirësitë reale që kanë qytetarët për të siguruar jetesën dhe mbijetesën. Regjimi i facebook-ut të Edi Ramës nuk e ndryshon dot faktin se sonte me mijëra fëmijë do të flenë me barkun bosh për shkak të dështimit të tij për t’u ardhur vërtet në ndihmë”, shkruan Bardhi.

https://www.facebook.com/1524054689/posts/10222322672485388/?d=n

Të fundit