Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Basha flet pas takimit me Metën dhe aleatët: Jemi bashkë në betejën për shqiptarët

Politiko 16 Korrik 2019, 12:00
Basha flet pas takimit me Metën dhe aleatët: Jemi bashkë në

Kreu i PD, Lulzim Basha flet pas takimit rreth 40 minuta sot me presidentin e vendit, Ilir Meta.

Pas takimit edhe me aleatët, në një prononcim për gazetarët, Basha tha se është diskutuar për 13 tetorin, si një mundësi e mirë për zgjidhjen e krizës politike në vend, si dhe mbi hapat e mëtejshmë të aksionit opozitar, kryesisht në aspektin ekonomik.

“Takimi ynë në presidencë lidhet me 13 tetorin që siç thotë edhe presidenti kjo është një mundësi për daljen nga kriza. Nisur nga propozimi për zhvillimin në tetor të zgjedhjeve lokale, presidenciale dhe ato të përgjithshme, që nënkupton ndryshime kushtetuese. Duke vlerësuar qëndrimin e presidentit, i qartësova se opozita është në këtë betejë për interesin e njerëzve. Nuk duhet të jemi në betejë për Imer Lalët e shokët e tij, por opozita është e gatshme për çdo hap për t’i garantuar shqiptarëve të drejtën e votës, që është dhunuar. Rama nuk i rezistoi dot tundimit për të vjedhur dhe në një proces ku garonte i vetëm. Të ofrojmë një qeveri që i shërben njerëzve.

Sot diskutuam hapat e mëtejshëm në aksionin tonë politik në raport me njerëzit, në raport me faktorin ndërkombëtar dhe zgjidhjet që do u ofrojmë shqiptarëve sepse një nga mëkatet më të mëdha, një nga fajet më të mëdha të kësaj bande që na qeveris është që, duke tërhequr opozitën në betejën parimore për vlerat themelore të lirisë e të demokracisë, të luftës kundër krimit dhe drogës, ia ka dalë t’I vërsulet Shqipërisë, buxhetit të saj, pasurive të saj, ta vjedhë dhe ta grabisë qytetarin e thjeshtë, pasurinë e këtij vendi dhe ta zhysë ekonominë në ditën e saj më të zezë, në të paktën 2 dekada.

Ndaj, bashkarisht kemi diskutuar për platformën tonë ekonomike, për zgjidhjet ekonomike që shqiptarët meritojnë dhe do të kenë, me fitoren e Opozitës së Bashkuar, e cila tashmë, jo vetëm thjesht përmes studimeve të opinionit publik, por edhe përmes referendumit të 30 qershorit, është konfirmuar si maxhoranca e re politike”, tha Basha.

Të fundit