Flash News

Votat e diasporës, mbyllet procesi i numërimit për subjektet politike në 12 qarqe

Tema shpik shkrimin për “reagimin e figurave të PD” kundër Berisha & LaCivita. Autorja nuk ekziston dhe teksti është prodhim i ChatGPT (i cili po vetë e quan të sajuar)

U përplas me motor nga një 16-vjeçar, i moshuari përfundon në spitalin e Shkodrës

Këmbimi valutor, 18 maj 2025

Plagosje me thikë në Durrës, autori në arrati

KRYESORE

Basha hap partinë për 'primaret amerikane': zgjedhjen e kandidatëve drejtpërdrejt, jo emërimin nga kryetari

Politiko 15 Dhjetor 2018, 12:03
Basha hap partinë për 'primaret amerikane': zgjedhjen e

Në fjalimin që po mban në Kuvendin Kombëtar demokrat, ku do të zgjiedhen edhe anëtarët e Këshillit të ri Kombëtar, kryetari i PD, Basha tha se kandidatët për zgjedhjet e ardhshme do të dalin nga primaret. Primaret janë një mekanizëm amerikan i përzgjedhjes së kandidatëve për përballjet me kundërshtarin që funksionon në bazë të një gare të hapur me votë dhe çdokush në parti, apo jashtë saj, ka të drejtë të hedhë kandidaturën dhe të provohet në konkurencë të hapur.

Basha ka premtuar edhe mekanizmin e vlerësimit paraprak të kandidatëve duke siguruar kështu integritet moral dhe publik për përfaqësuesit demokratë.

Tha Basha:

Në Partinë Demorkatike ne e konsiderojmë politikën një mision publik, në shërbim të njerëzve dhe vendit. Ndaj ne do të garantojmë që kandidatët e Partisë Demokratike për poste publike të kenë integritetin dhe aftësinë për t’i shërbyer njerëzve dhe vendit.

Reforma tjetër që ne kemi ndërmarrë është pikërisht ajo e filtrimit të kandidatëve që duan të konkurojnë për poste publike. Ne po ndërtojmë mekanizmin e vlerësimit paraprak për të gjithë ata që duan të konkurojnë për kandidatë për poste publike. Ky vlerësim paraprak do të garantojë që në zgjedhjet primare në parti të marrin pjesë vetëm ata që kanë formimin e duhur demokratik, kanë integritet moral dhe aftësi për t’i shërbyer interesit publik.

Për këtë ne po marrim praktikën më të mirë britanike,

të cilën po e zbatojmë me mbështetjen dhe ekspertizën e ekspertëve të Partisë Konservatore britanike. Ndihmë të vyer po japin në këtë proces tashmë prej vitesh kristiandemokratët gjermanë dhe së shpejti edhe Instituti Republikan Amerikan. Partia jonë do të tërheqë të gjithë ata që përqafojnë vlerat dhe misionin e saj, por do t’i ofrojë vendit njerëzit me përgatitjen dhe integritetin më të lartë.

Të fundit