Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Basha i bën Ramës 'pyetjen e Sfinksit': Pse shqiptarët paguajnë dy herë për rrugët; 240 l për çdo litër karburant, dhe 5 euro për kalim në 'Rrugën e Kombit'

Politiko 29 Mars 2018, 19:44

Basha i bën Ramës 'pyetjen e Sfinksit': Pse shqiptarët

Kryetari i opozitës dhe ai i qeverisë janë përplasur sot në Kuvend për taksën e Rrugës së Kombit të cilën Rama ka vendosur t'ia japë një koncensionari sipas skemës PPP. Basha e ka pyetur Ramën se pse shqiptarët duhet të paguajnë dy herë për mirëmbajtjen e rrugëve, kur atyre u merren 240 lekë për çdo litër karburant pikërisht si taksë rruge. "Ku shkon taksa e dytë prej 5 eurosh për çdo veturë dhe 22 euro për çdo kamion që kalon në Rrugën e Kombit?", ka qenë pyetja e Bashës për Ramën.

Pjesë nga fjala e Bashës në debatin me Ramën:

Në 5 vite në pushtet Edi Rama e ka rritur dy herë taksën e qarkullimit;

100 lekë në janarin e vitit 2014 100 lekë të tjera në janarin e vitit 2015.

Duke shtuar, edhe vlerën totale të taksës “Rama” për çdo litër benzinë apo naftë që përdorin shqiptarët, është 240 lekë për litër. 240 lekë për litër shtesë merr për çdo sekondë, çdo orë, çdo ditë nga xhepat e shqiptarëve Edi Rama me taksën e qarkullimit.

Çfarë është taska e qarkullimit?

Jua shpjegojnë ministrat sa herë që vijnë dhe mbrojnë buxhetin para komisioneve parlamentare. Lexoni procesverbalin e karafilit të anglishtes (Arben Ahmetaj), por edhe të paraardhësit të tij, profesor Canit, kur thotë: Taksa e qarkullimit merret me qëllim kryesor mirëmbajtjen e rrjetit rrugor.

Çfarë tha dy minuta përpara i papërgjegjshmi?

Të vërtetën për herë të parë e pranoi. Në botë për mirëmbajtjen paguajnë ose taksapaguesit ose përdoruesit. Po na thuaj pak me këtë sistem që ke shpikur tani pse paguajnë edhe taksapaguesit edhe përdoruesit?

Pse vazhdon t’u marrësh shqiptarëve 240 lekë për litër karburanti dhe pastaj u vendos edhe tarifë për rrugët në të cilat udhëtojnë?

Sapo e the vetë, o njëra o tjera.

Sapo e the vetë para shqiptarëve dhe nuk të shpëton ngërdheshja. Ngërdheshja vetëm tregon para shqiptarëve sa i pacipë je, se duhej të ulje kokën. E pranove para shqiptarëve që kjo që po bën është e paprecedentë në Ballkan, në Europë dhe në botë.

Ti u merr shqiptarëve edhe taksë për mirëmbajtjen e rrugëve dhe tani do të paguajnë edhe tarifë për koncensionin e rrugës.

Po sa u merr ti shqiptarëve vetëm me taksën që ke shtuar?

Ke lavdëruar disa herë nga kjo foltore faktin se ne kur ishim në qeveri integruam taksën e qarkullimit tek taksa e karburantit, e gjete 7 lekë për litër dhe e shtove dy herë nga 100 lekë + TVSH-në 240 lekë, 24 lekë të reja për litër.

Vetëm me taksën e rritur, ta quajmë taksa “Rama”, meqë zotrote e ke vënë dhe zotrote e vjel, ti u merr shqiptarëve, po të marrim një llogari minimale të konsumit prej 500 mijë tonësh, 120 milionë dollarë në vit vetëm me taksën e rritur.Ish-zëvëndësministri yt i Financave e rrit shifrën, e ke në faqen e “Opinionit” e çoi 460 milionë. Nuk po shkoj aty, po e mbaj tek shifra minimale, 120 milionë dollarë. 120 milionë dollarë shtesë përse nuk të mjaftokan ty të paguash mirëmbajtësin e rrugës, pse vendos edhe 5 euro për veturë e deri tek 22.5 euro për kamion?

Çfarë bën ti me 120 milionë dollarë që i mbledh në emër të mirëmbajtjes së rrugëve?Ti këto para i bën rrush e kumbulla, se ti rroga nuk ke rritur, ti pensione nuk ke rritur, ti s’ke bërë një metër rrugë. Një metër rrugë nuk ke bërë. Ti di vetëm të taksosh, nuk di të ndërtosh.