Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Basha i vendos ‘veto’ planit për kampin gjigant të refugjatëve në Shqipëri: Qeveria shqiptare nuk i ka kapacitetet

Politiko 8 Qershor 2018, 12:54
Basha i vendos ‘veto’ planit për kampin gjigant të

Kreu i Partisë Demokratike, Lulzim Basha ka lënë të kuptohet se Shqipëria po shihet si shteti i mundshëm ku mund të ngrihet një kamp gjigant refugjatësh. Gjatë konferencës së përbashkët me dy deputetë austriakë, Basha tha se për këtë çështje ka qenë në diskutim të vazhdueshëm me partnerët, përfshirë kancelarin e Austrisë, Sebastian Kurz.

Por kryeopozitari është shprehur kundër një plani të tillë për arsye se Qeveria e Shqipërisë, e drejtuar nga Edi Rama, nuk ka potencialin për të mobilizuar të gjitha kapacitetet shtetërore. Ai theksoi se ky vendim nuk mund t’i përkasi vetëm një personi dhe paralajmëroi kundërshtarin politik që të mos e konsiderojë ndërtimin e kampit si karamele në gojën e hidhur të Evropës nga skandalet e Tahirit dhe Xhafajt.

“Unë kam qenë në komunikim të vazhdueshëm me partnerët tanë, përfshirë kancelarin austriak Kurz, edhe mbi këtë problem. Shqetësimi sa i përket Shqipërisë dhe aktivizimit të së ashtuquajturës ‘rrugë ballkanike’ ka të bëjë nëse është Shqipëria e aftë në këtë fazë të shtetit ligjor, në këtë gjendje të luftës ndaj korrupsionit dhe krimit, që konsiderohet e pamjaftueshme, të përballojë një krizë të tillë. Ne si opozitë jemi të angazhuar plotësisht për të dhënë kontributin tonë, nga ana tjetër, kemi bërë fare të qartë se ashtu si në luftën kundër trafikut të dorës, qenieve njerëzore, në luftën kundër korrupsionit qeveritar, diferenca bëhet nga vullneti politik. Opozita, Partia Demokratike ka treguar vullnetin për t’u përballur me të vërtetat, ndërsa një Qeveri që deri më dje mohonte drogën, në vlerësimin tonë nuk ka as besueshmëri, as vullnetin politik dhe as potencialin për të mobilizuar kapacitetet shtetërore. Ndaj, një dimension i tillë që kapërcen kufijtë e vendit tonë nuk mund të jetë kurrsesi vendim i vetëm një personi dhe aq më pak nëse kjo serviret si karamele për të ëmbëlsuar gojën e hidhur të Evropës nga skandalet Tahiri, Xhafaj dhe lufta e pamjaftueshme kundër drogës dhe krimit”, theksoi Basha.

Mbrëmjen e djeshme u raportua për kërkesën e dorëzuar në Bruksel nga Austria, Gjermania, Holanda dhe Danimarka për të ngritur një kamp gjigant në një shtet evropian, por që nuk është pjesë e BE-së, ku do të strehohen të gjithë refugjatët e Evropës. Burime diplomatike bënë të ditur se Shqipëria shihet si shteti më i mundshëm ku mund të ngrihet ky kamp.

I dërguari i Sebastian Kurz e thotë hapur: Jemi të shqetësuar për Fatmir Xhafajn

Të fundit