Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Basha i vendosur: Rama nuk do t’i rezistojë presionit popullor. Burg për politikanët e korruptuar

Politiko 26 Prill 2019, 21:06
Basha i vendosur: Rama nuk do t’i rezistojë presionit popullor. Burg

Kryetari i Partisë Demokratike, Lulzim Basha ka zhvilluar pasditen e sotme një takim me kryesinë dhe me ish-grupin parlamentar, ku ka diskutuar për aksionet e opozitës.

Sipas disa burimeve, Basha është shprehur se nuk do të ketë paqe për Edi Ramën derisa të largohet dhe t’i hapë rrugë zgjedhjeve të lira dhe të ndershme. Po ashtu, Basha është shprehur i vendosur për të mos lejuar zgjedhjet e 30 qershorit në një kohë që ka paralajmëruar se Edi Rama e ka vendin në burg.

“Koha kur në Shqipëri Edi Rama dhe kriminelët e tij diktonin zgjedhjet, ka marrë fund njëherë e mirë. Ne do të jemi në krye të protestave të qytetarëve, derisa të fitojmë betejën europiane dhe demokratike për të mos lejuar krimin elektoral të 30 Qershorit. Edi Rama e di se nuk mund t’i rezistojë presionit popullor, prandaj po kërcënon me burg. Edi Rama ka frikë, sepse e di shumë mirë, që një hetim i pavarur, çon në burg atë vetë, Vangjushin e tij dhe Damian Gjiknurin për blerjen e zgjedhjeve bashkë me krimin. Mesazhi i qëndresës qytetare për Edi Ramën, që iu frikësohet zgjedhjeve të lira si djalli nga temjani, është se nuk ka shpëtim prej tyre. Ne jemi të gatshëm të sakrifikojmë çdo gjë për të mos lejuar që në 30 qershor të ketë një krim tjetër elektoral si ai i 2017-ës”.

“Koha kur populli shkonte në burg dhe kriminelët në qeverisje, ka marrë fund. Politikanët e lidhur me krimin do të shkojnë në burg dhe populli do të çlirohet nga krimi dhe korrupsioni. Përballja do të jetë në çdo qytet në çdo shesh dhe rrugë të vendit për të kulmuar në 11 maj në protestën kombëtare përpara kryeministrisë”, mësohet se ka deklaruar Basha.

Takimi në selinë blu vjen një ditë pas nisjes së mosbindjes civile, e cila për një orë bllokoi 5 akse kryesore në vend.

Të fundit