Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Basha në konferencë pas dështimit me negociatat: Është refuzim personal ndaj Edi Ramës; Qeveria nuk i plotëson kushtet as në 2019-n

Politiko 27 Qershor 2018, 13:21
Basha në konferencë pas dështimit me negociatat: Është

Kreu i opozitës, Lulzim Basha ka dalë sot në një konferencë për mediat pas vendimit të Bashkimit Europian për të mos hapur negociatat me Shqipërinë. Basha bëri përgjegjëse Qeverinë e Edi Ramës për këtë vendim dhe e kritikoi për mashtrimin që po u bën shqiptarëve duke u thënë se negociatat janë hapur.

“Këshilli evropian, që është vendimarrësi, nuk do e shqyrojë fare çështjen e negociatave, dhe këshilli i mbledhur dje e ka shtyrë këtë vendimarje për të paktën deri në qershor të 2019-ës. Do të ketë një tjetër raport nga Komisionit Europian, do të ketë diskutim nga fillimi i atyre Parlamenteve që kërkojnë këshillim me raportin, siç është Bundestagu dhe Holanda, dhe vetëm nëse konfirmohet se kushtet janë përmbushur atëherë hapja e negociatave do të futet në agjendë. Pra, negociatat me Shqipërinë nuk janë hapur. Kjo është e vërteta. Qeveria e Ramës ka zgjedhur të mashtrojë edhe këtë herë shqiptarët duke thënë se janë hapur negociatat”, tha Basha.

Basha theksoi se moshapja e negociatave është një lajm i keq për shqiptarët dhe paralajmëroi se në ditët në vijim opozita do të masë mirë hapat që do të hedhë në mënyrë që vendi t’i kthehet prespektivës evropiane.

“Moshapja e negociatave është një lajm i keq, një lajm i hidhur dhe një lajm i keq për shqiptarët dhe për prespektivën e vendit. Në ditët dhe në muajt e ardhshëm ne duhet të matim mirë hapat që duhet të hedhim në mënyrë që t’i kthehemi prespektivës evropiane”, u shpreh Basha.

Kryeopozitari deklaroi se gjuha e përdorur nga Bashkimi Europian nuk është refuzim ndaj shqiptarëve, por refuzim personal ndaj kryeministrit Rama dhe bashkëpunimit të tij me krimin e organizuar.

“Gjuha e përdorur tregon se moshapja e negociatave nuk është refuzim ndajshqiptarëve, por rruga është e hapur dhe plotësisht në dorën tonë. Moshapja e negociatave është refuzim ndaj krimit dhe korrupsionit. Është refuzim ndaj ekonomisë së kontrolluar nga paratë e krimit dhe drogës. Moshapja e negociatave është refuzim personal ndaj Edi Ramës dhe klikës së korruptuar që qeverisë sot shqiptarët. Është refuzim i Saimir Tahirit, Fatmir Xhafajt, Taulant Ballës, Damian Gjiknurit etj, i gjithë kupolës së PS. Është refuzim i manipulimit të zgjedhjeve, kapjes së drejtësisë, politizimit të administratës publike. Është refuzim përfundimtar i gënjeshtrave sistematike për të fshehur vjedhjet dhe korrupsionit. Në vend të luftës kundër drogës, krimit dhe korrupsionit, Edi Rama është në aleancë me to. Tani është e qartë se ardhjma e Shqipërisë nuk ka qenë dhe nuk është prioritet i Edi Ramës. Zgjodhi pa asnjë dyshim që të mbronte interesat e krimit, drogës dhe politikanëve të lidhur me drogën”, tha ai.

Sa i përket sjelljes së Ramës pas vendimit për bllokimin e negociatave, Basha tha se mashtrimet që ai po bën tregon se nuk do të përmbush asnjë kusht për të hapur negociatat në 2019-n. Gjithsesi, kreu i PD premtoi se opozita do të bëjë gjithçka për t’u shkëputur nga kjo e keqe dhe për të realizuar anëtarësimin në BE.

“Mashtrimi ndaj shqiptarëve tregon qartë se Edi Rama nuk do të përmbush asnjë kusht për të hapur negociatat edhe në 2019-ën. Shqiptarët janë sot kokulur dhe izoluar prej tij. Pas reve ka dritë. Ne e dimë se ka vetëm një rrugë, të përballemi me të vërtetën. Është qeveria e Edi Ramës që na mban larg Europës. I siguroj shqiptarët se opozita do të bëjë gjithçka për t’u shkëputur nga kjo e keqe e madhe për të realizuar anëtarësimin në BE”,deklaroi Lulzim Basha.

Qeverisja e Edi Ramës e çon në 12 numrin e kushteve për Shqipërinë; çfarë kërkon BE për të hapur negociatat

Të fundit