Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Basha paralajmëron Ramën: Nëse e zgjedh ti kryeprokurorin, do përballesh me përgjigjen më të fuqishme të opozitës

Politiko 11 Dhjetor 2017, 15:17

Basha paralajmëron Ramën: Nëse e zgjedh ti kryeprokurorin, do

Kreu i opozitës, Lulzim Basha i ka bërë sot thirrje kryeministrit Edi Rama që të mos vijojë me procesin për zgjedhjen e kryeprokurorit të përkohshëm vetëm me votat e mazhorancës. Në një dalje për mediat nga selia blu, pas përfundimit të mbledhjes së Grupit Parlamentar, Basha theksoise Rama kërkon një kryeprokuror të përkohshëm, pa vetting, me qëllim që të mbyllë dosjet e korrupsionit të njerëzve të tij.

Ai paralajmëri kreun e qeverisë se do të përballet me përgjigjen më të fuqishme politike të opozitës nëse vijon me planin për kapjen e institucionit të Prokurorit të Përgjithshëm.

“Së pari i bëj thirrje çdo deputeti të përfshirë në këtë proces, të tërhiqet sepse është në shkelje flagrante të Kushtetutës. Kushtetuta e ka përcaktuar qartë, Prokurori i Përgjithshëm zgjidhet me 3/5, nuk mund të zgjidhet pa vetting. Pyetja që shtrohet është përse më shumë se 1 vit e gjysmë pas reformës në drejtësi, Edi Rama do të emërojë një prokuror pa bërë vetting-un dhe me votat e mazhorancës. Përgjigja është e qartë, për të mbrojtur paratë e pista të drogës, për të mbyllur dosjet e krimit, dosjet e Tahirit, Habiljave, Balilajve, të oficerëve të lartë në kërkim, të Vangjush Dakos, të Qazim Sejdinit, të Damian Gjiknurit, të Arben Ahmetajt, të Ilir Beqajt. Si do të mbyllen dosjet me një prokuror që e cakton Rama? Fare thjesht. Me ligjin që vetëm Rama ka caktuar, ky prokuror do të ketë fuqi të transferojë apo të pezullojë prokurorët dhe të bëjë vlerësimin dhe rivlerësimin e tyre. Pra skema është e qartë, Edi Rama ja ka dalë të sabotojë procesin e ngritjes së KLP-së dhe tani na fton të shkelim Kushtetutën që te këtë një prokuror në hyqmin e tij, i cili do të bëjë të mundur mbrojtjen e krimit. Natyrisht që kjo është e papranueshme. Nuk ka dhe nuk mund të ketë asnjë bashkëpunim nga PD me një keqbërës që dëshiron të shkelë Kushtetutën me një prokuror që të mbyllë aferat dhe dosjet kriminale. Thirrja ime e vetme ndaj Edi Ramës është të zbatojë Kushtetutën. Nëse Edi Rama vepron në kundërshtim me Kushtetutën për të futur në dorë institucionin e Prokurorit të Përgjithshëm, me të vetmin qëllim për të mbyllur dosjet e hetimit të korrupsionit, atëherë ai do të përballet me përgjigjen më të fuqishme politike nga opozita”, theksoi kreu i Partisë Demokratike.

Ditën e sotme, edhe Presidenti Ilir Meta u shpreh kundër një zgjedhje të njëanshme për kryeprokurorin.

Zyrtarizohet kandidatura e parë për kryeprokurorin e përkohshëm