Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Basha paralajmëron Ramën nga Shkodra: Ajo që nisi në Kukës nuk do të ndalet

Politiko 2 Prill 2018, 09:59

Basha paralajmëron Ramën nga Shkodra: Ajo që nisi në

Kreu i PD, Lulzim Basha i ka përcjellë një mesazh të fortë kryeministrit Edi Rama nga qyteti i Shkodrës ku mori pjesë në homazhet e 2 prillit, rënies së 4 dëshmorëve në 1991.

Basha lëshoi sërish një sërë akuzash ndaj Ramës dhe qeverisë që ai drejton, si e implikuar me krimin dhe trafikun e drogës. Basha mori si shembull dhe indicie protestën e Kukësit kundër taksës së Rrugës së Kombit, si një mesazh për Ramën se ky është vetëm fillimi për rrëzimin e tij nga qeveria.

“Në krye të vendit qëndron një bandë kriminale, gjysma e qeverisë është bashkëpunëtore e grupeve kriminale. Rama me Tahirin bashkëpunoi me trafikantët e drogës në Shqipëri, kanë ndërtuar një sistem që një kanë kapur shtetin dhe ekonominë. Nëse nuk çmontohet ky sistem, Shqipëria merr fund.

Vendi s’ka perspektivë ekonomike, nuk ka vende pune, nuk ka të ardhme, emigracioni vazhdon të jetë shpresa e shqiptarëve. Ky është muaji ku maska e Ramës ka rënë para çdo shqiptari.

Taksa e pronave, faturat e rritura të ujit e dritave, përjashtimi i familjeve nga skema e ndihmës ekonomike janë aktet e fundit të një grabitqari që pasi vjedh, tallet me popullin.

I them nga Shkodran se i ka bërë hesapet gabim, se ajo që nisi në Kukës nuk do ndalet dhe nuk ka për të ndalur derisa tirania e krimit të rrëzohet. 5 ditë më parë e sfidoi popullin me fjalorin e ndyrë, Kukësi i dha përgjigjen e merituar, s’munden më të pranojnë taksat e rritura.

Sot është e qartë, shqiptarët varfërohen e largohen se banda qeveritare e ramë si grabit. Rama rezervon ndasi, urrejtje e diskriminim. Në këto javë kam takuar banorët të Shkodrës, kuksianë të revoltuar , dua t’ju them se nuk jeni vetëm, me ju është gjithë Shqipëria. Kukësi u përball dhe e ndali të keqen, le të jetë ky një fillim i mbarë i pranverës që po vjen. Detyrë e madhe e PD dhe njerëzve të ndershëm është të shkëpusim lidhjet e politikës me krimin. Një parti demokratike e çliruar nga korrupsioni ka vetëm një interes, atë të njerëzve”, u shpreh Basha.

Kreu i PD premtoi se të gjithë ata që janë shënjestruar si pushtetarë të korruptuar do të paguajnë kur PD të vijë në pushtet.

“Zotohem dhe i ftoj të gjithë se gjithë çfarë kemi denoncuar si opozitë as nuk do t’i falim, as nuk do t’i harrojmë kur të vijë ora e përgjegjësisë. Nuk do ketë pushtetarë që nuk do japë llogari për vjedhje e dhunimet që i janë bërë vendit. Ta çlirojmë ekonominë nga oligarkët që vjedhin me PPP dhe koncesioneve dhe pazareve me politikanë. Heronjtë e 2 prillit janë frymëzimi ynë i pavdekshëm”, u shpreh Basha nga Shkodra.