Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Basha për vrasjen në Bularat: Ngjarje kriminale, Rama kërkon të largojë vëmendjen nga kriza politike ku ndodhet vendi

Politiko 30 Tetor 2018, 14:08
Basha për vrasjen në Bularat: Ngjarje kriminale, Rama kërkon

Kryetari i Partisë Demokratike, Lulzim Basha ka komentuar për herë të parë ngjarjen e ndodhur pak ditë më parë në Bularat të Gjirokastrës.

Gjatë bashkëbisedimit me gazetarët, kreu i demokratëve tha se ngjarja në fjalë është një ngjarje kriminale dhe se përpjekjet për ta kthyer atë në një ngjarje politike i shërbejnë vetëm atyre që duan të largojnë vëmendjen nga kriza politike ku ndodhet vendi.

“Kjo është një ngjarje kriminale dhe përpjekjet për ta kthyer në një ngjarje politike i shërbejnë vetëm atyre që duan të largojnë vëmendjen nga kriza e thellë politike ku ndodhet vendi në këtë anë të kufirit dhe padyshim ka faktor në anën tjetër të kufirit që duan ta shfrytëzojnë për axhendën e tyre politike.

Të dyja përpjekjet janë të dënueshme. Në rastin e përpjekjes së Edi Ramës për të zhvendosur në mënyrë artificiale dhe për të pompuar me retorikë të papranueshme kundër opozitës, kundër eksponentëve të opozitës, ish-kryeministrit Berisha dhe të tjerëve, një ngjarje e cila është një ngjarje kriminale dhe duhet trajtuar si e tillë, është vetëm tregues i gjendjes ku ndodhet ai dhe qeverisja e tij. Ka pushuar së qeverisuri dhe do të kapet pas gjithçkaje për të larguar vëmendjen nga fakti që ne nuk qeverisemi”, u shpreh Basha.

 

Të fundit