Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Basha i quajti pjesë të bandës, ish-ministri demokrat i Mbrojtjes: 12 ushtarakët janë njerëz të nderuar

Politiko 2 Nëntor 2017, 10:50
Basha i quajti pjesë të bandës, ish-ministri demokrat i

Ish-ministri demokrat i Mbrojtjes, Arben Imami, ashtu si për shumë çështje të tjera, nuk ndan të njëjtin mendim me kryetarin e PD-së, Lulzim Basha, sa i përket integritetit të 12 ushtarakëve të emëruar në krye të prefekturave.

Në një intervistë për ‘Panorama’, Imami shprehet se ka punuar personalisht me gjysmën e ish-ushtarakëve, por emërimi i tyre si prefekt nuk do të sjellë rezultat sa i përket luftës kundër kriminalitetit.

“Nuk shoh që duhe vendosur 12 ushtarakë, personalitete, njerëz të nderuar, me kapacitet, me gjysmën e tyre kam punuar dhe i njoh personalisht, do të mund të zgjidhet problemi i luftës kundër kriminalitetit. Aq më tepër duke marrë parasysh detyrat konkrete që ka prefekti sipas legjislacionit shqiptar. Kam përshtypjen më tepër sesa një masë efektive për të vendosur ligjshmërinë, kryeministri ka dashur të thotë që do të vendosë njerëzit në rresht. Në këtë mënyrë, kryeministri e ka kompromentuar figurën e disa prej këtyre ushtarakëve, sepse ushtarakët nuk janë njerëz për të vënë njerëzit në rresht”, thotë ish-deputeti i PD-së.

Imami refuzon t’i konsiderojë shërbëtorë ish-ushtarakët, për të cilët thotë se janë njerëz të nderuar dhe kapacitete të larta. Gjithsesi, ish-ministri thekson se rezultatet e tyre do të jenë shumë të pakta për sa kohë kryeministri Edi Rama është kreu i trafikut të drogës në Shqipëri.

“Midis atyre njerëzve ka nga ata që nuk janë njerëz të konceptit të vjetër të ushtrakut me kamxhik në dorë. Ashtu sikurse nuk jam i mendimit që ata janë shërbëtorë. Mundet që të mos kenë rezultate dhe sigurisht rezultatet do të jenë shumë të pakta për sa kohë kryeministri është kreu i trafikut të drogës në Shqipëri. Por ata nuk janë pjesë e një bande dhe nuk janë banditë, kjo është e sigurt. Ata me të cilët kam punuar unë janë njerëz të nderuar, njerëz me kapacitete të larta planifikuese dhe zbatuese”, shprehet Imami.

Të fundit