Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Basha reagon për kokainën në Durrës: Kronikë e paralajmëruar nga PD. Policia e Shqipërisë u vu para faktit të kryer nga partnerët

Politiko 28 Shkurt 2018, 11:37
Basha reagon për kokainën në Durrës: Kronikë e

Kreu i PD-së, Lulzim Basha ka reaguar për kokainën rekord të sekuestruar në Portin e Durrësit, duke theksuar se kjo është një kronikë e paralajmëruar nga opozita. Basha thekson se PD ka denoncuar vazhdimisht në Kuvend dhe në media se krimi i organizuar me mbështetje të qeverisë, ka marrë nën kontroll trafikun e kokainës dhe heroinës.

Sipas Bashës, aksioni ku u sekuestruan 613 kg kokainë është drejtuar me sukses nga partnerët e huaj, të cilët vendosën përpara faktit të kryer kolegët në Shqipëri. Ai shprehet se rrokada nga klani Tahiri-Habilaj te klani Xhafaj ka mbrojtjen e kryeministrit Edi Rama.

Reagimi:

Kapja e 613 kilogramëve kokainë është një kronikë e paralajmëruar nga Partia Demokratike. Në mënyrë të përsëritur kemi denoncuar në Kuvend dhe në media se krimi i organizuar me mbështetje qeveritare, ka marrë nën kontroll trafikun e drogave të forta, kokainë dhe heroinë.

Kjo ngarkesë rekord e kokainës nuk mund të kalonte nga Shqipëria pa garanci politike. Këtë paralajmëroi edhe Kryeprokurori i Antimafias de Raho të hënën në Tiranë, kur deklaroi se mafia ka lidhje me politikën shqiptare dhe ka pushtuar policinë. Me këtë rast dua ti shpreh mirënjohjen partnerëve të huaj që drejtuan operacionin me sukses dhe e vunë para faktit të kryer narkoshtetin dhe levat e tij në Shqipëri.

Rrokada nga klani Tahiri-Habilaj i kanabisit tek klanet e heroinës dhe kokainës të Xhafajve me kompani, kanë si pikë të përbashkët mbrojtëse, kryeministrin Edi Rama. 613 kilogramët e kokainës, të kapura për shkak të partnerëve tanë, janë tregues se Shqipërinë sot e drejton banda e kokainës, dhe se largimi i saj dhe krijimi i një qeverie anti-mafia është emergjencë kombëtare.

Super-aksioni zbut tensionet mes Prokurorisë dhe Policisë, Hadarmataj dhe Veliu shfaqen krah njëri-tjetrit

Të fundit