Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Basha refuzon ofertën e Ramës dhe i vendos dorën në plagë: Gati të realizojmë kushtet e BE për negociatat; të hetohen Tahiri, Dako dhe Sejdini

Politiko 7 Dhjetor 2017, 15:39
Basha refuzon ofertën e Ramës dhe i vendos dorën në

Kreu i PD-së, Lulzim Basha ka refuzuar ofertën e kryeministrin Edi Rama për të ashtuquajturin “pakt kombëtar”, duke theksuar se Shqipëria nuk duhet të ketë demokraci fasadë dhe tavolina partiake që veprojnë mbi Kushtetutën dhe institucionet.

Basha thekson se i vetmi pakt për të cilin ka nevojë Shqipëria është pakti për Kushtetutën dhe shtetin ligjor, ndërsa shprehet i gatshëm për të dhënë mbështetjen e opozitës në realizimin e kushteve të vendosura nga BE për hapjen e negociatave.

Gjithsesi, Basha i ka vendosur dorën në plagë kryeministrit Rama kur kërkon hetim të pavarur ndaj ish-ministrit të Brendshëm, Saimir Tahiri dhe ndaj dy kryebashkiakëve socialistë, Vangjush Dako dhe Qazim Sejdini, të dyshuar si përfshirë në lidhje me krimin.

Reagimi:

I vetmi “pakt” që ka nevojë Shqipëria është pakti për Kushtetutën dhe shtetin ligjor. Kushtet që BE ka vendour për Shqipërinë janë të qarta: zbatimi i reformës në drejtësi dhe vetingu; lufta kundër drogës dhe krimit; lufta kundër korrupsionit; reforma e administratës publike; respektimi i të drejtave themelore të njeriut.

Në mbështesim pa asnjë kusht përpjekjen për përmbushjen e secilit prej këtyre kritereve.

  1. Në mbështesim pa asnjë rezervë zhbllokimin e menjehershëm të reformës në drejtësi dhe krijimin e KLP-së për t’i hapur rrugën krijimit të SPAK-ut dhe të byrosë së hetimit dhe zgjedhjen e Prokurorit të Përgjithshëm në mënyrë kushtetuese, pasi të ketë kaluar vetingun dhe me tre të pestat e Kuvendit.

  2. Ne mbështesim heqjen e imunitetit të Saimir Tahirit dhe hetimin e tij si çdo qytetar i thjeshtë për lidhjet me trafikun e drogës. Mbështesim pa kushte hetimin e të gjithë zyrtarëve të lidhur me krimin nga Vangjush Dako dhe Qazim Sejdini tek shefat e policisë. Mbështesim arrestimin dhe hetimin e grupeve kriminale nga Habilajt tek Balilajt.

  3. Ne mbështesim pa asnjë rezervë hetimin dhe luftën kundër korrupsionit, përfshi koncesionet në shëndetësi, në inceneratorë, në PPP, e kudo.

  4. Ne mbështesim pa asnjë rezervë të drejtat e qyterarëve, liritë dhe pronën e tyre kundër ndërhyrjeve arbitrare.

Ne do japim kontributin tonë në Kuvend dhe në institucione për këtë gjë. Por detyra jonë është të bëjmë opozitë, çfarë është rol themelor dhe i domosdoshëm për funksionimin e demokracisë, kufizimin e pushtetit dhe mirëqeverisjen e vendit.

Shqipëria nuk duhet të ketë demokraci fasadë dhe nuk duhet të ketë partitë dhe tavolinat partiake mbi Kushtetutën dhe mbi institucionet.

Të fundit