Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Basha takon përfaqësuesit e fasonëve: Taksat e shqiptarëve të shkojnë për ju, të shmanget falimentimi

Politiko 29 Prill 2020, 20:50
Basha takon përfaqësuesit e fasonëve: Taksat e shqiptarëve

Kryedemokrati Lulzim Basha zhvilloi një takim me përfaqësuesit e Unionit të Fasonistëve të Shqipërisë, Gjergj Gjika dhe Florian Zekja, lidhur me situatën që po kalon ky sektor për shkak të koronavirusit. Basha shprehet se fasonët po përballen me probleme për shkak të mungesës së shitjeve dhe likuiditetit për të paguar punëtorët. Basha akuzon qeverinë se poi  shtyn fasonët drejt mbylljes.

“Fasonët po përballen me probleme, nga rënia e prodhimit dhe e shitjeve tek mungesa e likuiditetit për të paguar detyrimet ndaj shtetit dhe pagat e punonjësve. Në vend të mbështetjes për të mbrojtur vendet e punës, qeveria ka shtuar kostot e tyre, duke rrezikuar mbijetesën e qindra ndërmarrjeve.

Me “protokollin e kuq” krejtësisht të pazbatueshëm, qeveria po i shtyn fasonët drejt mbylljes, pa patur detyrimin për ti mbështetur financiarisht punonjësit e tyre. Nëse fasonët falimentojnë, 70 mijë punonjës humbin vendin e punës. Kjo duhet parandaluar urgjentisht”, thotë Basha.

Sipas Bashës duhet që paratë e taksave të shqiptarëve sot duhet të shkojnë të gjitha në ndihmë të ekonomisë dhe biznesit. Sipas tij, qeveria e ka për detyrë t`ju garantojë ndihmë financiare bizneseve në këtë sektor.

“Është koha që fondet që shpërdorohen në mënyrë korruptive, të shkojnë në mbështetje dhe mbrojtje të punonjësve dhe të bizneseve duke rritur ndihmën ndaj tyre. Ndërkohë që qeveria vazhdon edhe gjatë këtyre ditëve të paguajë miliona për koncesionet, rritja e papunësisë po kthehet në një plagë edhe më të rëndë, dhe varfëria po thellohet frikshëm.

Paratë e taksave të shqiptarëve sot duhet të shkojnë të gjitha në ndihmë të njerëzve dhe të ekonomisë. Njerëzit meritojnë mbështetjen e munguar ekonomike, biznesi sot ka nevojë për mbështetje, ekonomia ka nevojë për frymëmarrje dhe likuiditet, ndërsa qeveria e ka për DETYRË t’ju garantojë atyre ndihmën financiare që ju takon”, shkruan Basha.

Të fundit