Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Basha tregon 5 shtyllat e shtetit që ka goditur Rama: Po kërkon që kjo të jetë gjendja e përhershme të Shqipërisë

Politiko 15 Dhjetor 2018, 12:07
Basha tregon 5 shtyllat e shtetit që ka goditur Rama: Po kërkon

Kreu i Partisë Demokratike, Lulzim Basha ka kritikuar ashpër kryeministrin Edi Rama, në fjalimin e mbajtur në Këshillin Kombëtar. Kryeopozitari theksoi se “brenda pesë vitesh, përmes bashkëpunimit me krimin dhe grabitjes së pasurive të vendit, Edi Rama shkatërroi procesin zgjedhor, shkatërroi procesin politik, vuri nën kontroll ekonominë, median e pavarur, vuri në gjumë shoqërinë civile.”

Basha tha se Rama “po kërkon që këto “arritje” kriminale t’i përjetësojë.” Sipas kreut të PD, kryeministri  po kërkon që kjo të jetë gjendja e përhershme të Shqipërisë, duke goditur shtyllat kryesore të shtetit, për të qeverisur: Pa demokraci, pa ekonomi tregu, pa media, pa shoqëri civile, pa drejtësi.

Kryedemokrati tha se vitet e fundit, vendi është zhytur në autokraci, po vuan nën sundimin e krimit dhe të korrupsionit, po lëngon në mjerim ekonomik dhe është e izoluar nga bota e politikës, ekonomisë, kulturës, dijes, shkencës dhe vlerave perendimore.

Ai pranoi se korrupsioni, krimi dhe oligarkët nuk kanë lindur vetëm pesë vitet e fundit, por me Ramën në qeveri, këto dukuri shkatërruese janë ngritur në sistem.

“Është e vërtetë se korrupsioni nuk lindi këto pesë vitet e fundit. Është e vërtetë se krimi ka tentuar dhe ka mundur edhe më parë të ndikojë apo të ketë lidhje me qeverinë. Është e vërtetë se biznesmenët kanë synuar edhe më pare, jo pa sukses, të ndikojnë vendim-marrjen e qeverisë në favor të tyre. Por me qeverisjen e fundit socialiste të gjitha këto dukuri shkatërruese për demokacinë dhe zhvillimin, u ngritën në sistem. Projekti i ashtuquajtur i rilindjes në fakt ishte një projekt për institucionalizimin e krimit, të korrupsionit dhe kapjen e shtetit nga interesat private dhe kriminale”, tha Basha.

Sipas Bashës, “sot politika, biznesi dhe media janë shkrirë në një. Një grusht njerëzish të politikës, të biznesit të medias dhe të krimit kontrollojnë krejtësisht pushtetin politik, pushtetin ekonomik, pushtetin mediatik të vendit. Ajo që synon tani ky grup i kriminalizuar është të çimentojë kontrollin e vet mbi këto pushtete për dekadat e ardhshme duke duke futur në dorë dhe kontrolluar të gjitha burimeve ekonomike dhe natyrore të vendit.”

“Breza të tërë shqiptarësh do të paguajnë në të ardhme këto borxhe që kanë përfunduar në xhepat politikanëve dhe klientëve të tyre, nëse nuk e ndalim këtë projekt. Përmes pushtetit ekonomik dhe kontrollit të burimeve të vendit, Ky grup kriminal politik ekonomik dhe mediate, kërkon të kontrollojnë procesin politik për sot dhe për nesër ose me mirë të asgjesojë atë: vullneti i shqiptarëve nuk do të ketë asnjë rëndësi dhe asnjë ndikim në punët e vendit; vota e tyre nuk do të vlejë veçse për t’u blerë pasi ky grup kriminal do ta mbajë pushtetin përmes parasë dhe dhunës”, deklaroi kreu i PD-së.

Basha hap partinë për ‘primaret amerikane’: zgjedhjen e kandidatëve drejtpërdrejt, jo emërimin nga kryetari

Basha në Këshillin Kombëtar të PD: Të përgatitemi për kalimin e politikës në duart e një elite të re

Të fundit