Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Basha zbulon hetimin ndaj Vangjush Dakos: Prokurorin e larguan nga Krimet e Rënda, kjo çështje arsye për dorëheqjen e Visho Ajazit

Politiko 20 Nëntor 2017, 14:49

Basha zbulon hetimin ndaj Vangjush Dakos: Prokurorin e larguan nga Krimet e

Kreu i Partisë Demokratike, Lulzim Basha ka zbuluar hetimin që po zhvillohet ndaj kryebashkiakut të Durrësit, Vangjush Dako, i cili është regjistruar duke bërë pazare në telefon me njerëz të krimit në qytetin bregdetar, për vjedhjen e votave të 25 qershorit.

Basha theksoi se prokurori që po merrej me këtë çështje, Anton Martini është transferuar në Shkodër, me urdhër të Edi Ramës, i cili shpreson të shpëtojë nga prangat kryebashkiakun socialist.

Gjithashtu, kryeopozitari deklaroi se hetimi i kësaj çështje mund të jetë arsyeja e dorëheqjes së parpritur të ish-kreut të SHISH, Visho Ajazi Lika.

Akuza e Bashës, Anton Martini u transferua në Shkodër më 10 nëntor, Llalla ‘e fshehu’ me rikthimin e Ramadan Trocit

Deklarata e Bashës:

Vangjush Dako është kapur në flagrancë duke bashkëpunuar me grupet kriminale më të rrezikshme të Durrësit, ku i kërkon të vjedhin dhe të blejnë vota për zgjedhjet e 25 qershorit 2017-të. Shërbimet inteligjente, duke përfshirë ato të vendeve partnere, e kanë kapur gafil Vangjsuh Dakon duke bërë pazare në telefon. Në këmbim të blerjes së votave dhe dhunimit të qytetarëve, Dako u premton kriminelëve tendera. Janë miliona euro që Dako u ka premetuar kriminelëve vetëm që ata të siguronin vota dhe pushtet për PS. Por këto pazare të ndryra tashmë janë të dokumentuara dhe janë nën hetim prej disa kohësh nga Prokuroria e Krimeve të Rënda. Këtë fakt e di Gjushi, por e di edhe mentori i tij Edi Rama. Për këtë arsye ata ndërhynë fuqishëm për të larguar nga hetimi prokurorin që po hetonte këtë aferë kriminale. Kjo është edhe një nga çështjet ku mund të gjendet arsyeja e dorëheqjes së papritur të Shefit të Shërbimit Inteligjent Shqiptar. Projekti i Edi Ramës për drejtësinë e kapur dhe të nënshtruar nuk po realizohet. Me presionin kriminal ai ka larguar prokurorin Anton Martini nga hetimi i çështjes, i cili është graduar drejtues në Prokurorinë e Shkodrës. Prokurori që po heton vjedhjen spektakolare të votave në Durrës, largohet me ngritje në Shkodër me shpresën e vetme të Edi Ramës për të shpëtuar Gjushin nga prangat. Sot i kërkoj Prokurorit të Përgjithshëm t’u thotë shqiptarëve nëse lëvizja e prokurorit Anton Martini është bërë apo jo nën presionin kriminal të Edi Ramës. Gjithashtu, kërkoj nga Prokurori i Përgjithshëm të jap të gjithë mbështetjen e nevojshme për hetimin e kësaj çështje skandaloze nga prokurorët e krimeve të rënda.