Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

‘Bashkë pa kufij’, Rama: Patëm bisedë miqësore me Hotin; ambicja jonë, heqja e kufirit Shqipëri-Kosovë

Politiko 2 Tetor 2020, 11:34

‘Bashkë pa kufij’, Rama: Patëm bisedë miqësore

Kryeministri Rama në fjalën e tij nga tyreza e përbashkët mes dy qeverive është shprehur se me Hotin ka zhvilluar edhe një tjetër bisedë miqësore për të rëndë dakord në çuarjen para të një projekti të përbashkët, në kuadër të 150 vjetorit të Lidhjes së Prizrenit.

“Është kënaqësi e posaçme që pavarësisht këtij momenti kaq të vështirë, që po kalojmë ne dhe bota, kufizimi i kontakteve dhe kushtet për takime të afërta, janë shumë të kufizuara. Arrijmë të organizojmë këtë takim të 6-të ndërqeveritar, Shqipëri-Kosovë. Këtu në Tiranë, në 100-vjetorin e kryeqytetit.

Para se të vinim këtu kemi pasur një bisedë miqësore me kryeministrin dhe kemi rënë dakord të investohemi së bashku për të cuar para një projekt të përbashkët duke filluar sa më par nga puna për 150 vjetorin e Lidhjes së Prizrenit, i cili është ende larg në kohë, por jo aq larg sa për mos menduar që sot për një projekt rikualifikimi urban tërësor të qytetit historik të shqiptarisë.

Takimet ndërqeveritare mes Shqipërisë dhe Kosovës janë zhvilluar gjithmonë me frymën e përbashkët të një bashkëpunimi vllazëror. Ato janë një mundësi e mirë për të bërë bilance.

Deklarata e përbashkët e bashkëpunimit strategjik nënështruar në Prizren mbetet një mundësi e mirë për integrimin dhe bashkëpunimin sa më të ngushtë mes dy vendeve tona.

Hapat e hedhur nuk janë të vegjël, megjithëse distanca drejtë një realizimi mbetet e madhe. Megjithatë, të gjitha dokumentet e nënshkruara janë në proces zbatimi ose zbatimi i tyre ka përfunduar”, është shprehur ndër të tjera Rama”, ka thënë kryeministri Rama.

Duke folur për fluksin e krijuar në kalimin e mjeteve në pikën kufitare në Morinë, sidomos gjatë pushimeve, kreu i qeverisë shqiptare tregoi se ambicia midis dy vendeve është heqja e kufirit mes Kosovës dhe Shqipërisë.

“Hapat e hedhur nuk janë të vegjël, megjithëse distanca deri në përmbushjen e vizionit tonë të përbashkët mbetet e madhe. Nëse i referohemi mbledhjes së fundit të përbashkët në Pejë mund të konstatojmë se thuajse të gjithë dokumentet e nënshkruara janë në proces zbatimi, ose janë zbatuar. Kontrolli kufitar në pikën e përbashkët në Morinë funksionon sipas parimit një ndalesë, një kontroll, duke bërë që lëvizja e qytetarëve ka qenë më e relaksuar, duke shmangur radhët e gjata.

Ambicja jonë është heqja e kufirit në funksion të zbatimit të ‘4 lirive’ të BE në rajonin tonë, duke filluar që me heqjen e kufirit mes Kosovës dhe Shqipërisë.

Besoj është e kuptueshme që dy Ministritë e Brendshme të të dy vendeve të fillojën punën për përshtatjen e databazës, për të mundësuar kontrollin në kohë reale të hyrjeve dhe daljeve në të gjitha pikat kufitare të perimetrit tonë të përbashkët. Kjo mënyrë do na mundësonte hapjen e kufirit pa humbur asnjë centimetër kundër cdo forme abuzimi me lirinë e lëvizjes”, është shprehur Rama.