Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Bashkim Fino i tërheq vëmendjen Ramës: Kritikat e Arta Dades, të vërteta. Në Kongres disa gjëra duhet të ndryshojnë

Politiko 30 Janar 2019, 11:39
Bashkim Fino i tërheq vëmendjen Ramës: Kritikat e Arta Dades,

Bashkim Fino është një nga socialistët e paktë që kanë mbetur brenda Partisë Socialiste dhe për herë të parë i ka tërhequr vëmendjen kryetarit Edi Rama për problemet që ekzistojnë në këtë forcë politike.

Në intervistën për gazetën ‘Mapo’, Fino ka deklaruar se vlerëson mendimet e Arta Dades, të cilën e ka konsideruar një nga luftëtaret e vërteta të PS-së. Sa i përket kritikave të Dades, Fino thekson se mund të kenë doza të vërteta dhe se në kongresin e ardhshëm të partisë, disa gjëra duhet të ndryshojnë.

“Arta Dade është një nga luftëtarët e vërteta të PS-së, e vlerësoj mendimin e saj. Mund të ketë doza të vërteta dhe besoj se disa gjëra në PS, dhe në kongresin e ardhshëm duhet të ndryshojnë”, shprehet Fino.

Sa i përket ‘ministrave teknikë’ në Qeveri, Fino nuk e fsheh mos-dakordësinë për këtë zgjedhje të kryeministrit Rama, gjithsesi, thekson se skuadra vijon të mbetet grupi parlamentar i PS

“Qeverinë e re e lexoj si një qeveri të bërë në rregull nga ana kushtetuese, e cila e përcakton qartë se përbërja e qeverisë është detyrë e Kryeministrit. Nga kjo pikëpamje, nuk kam të drejtë të komentoj anën kushtetuese të ndryshimeve. Por miratimi që i kemi bërë ne është politik dhe për sa i përket pjesës politike, mbase, personalisht mund të mos isha dakord. Por, mund të mos kem qenë dakord edhe me ekipin e mëparshëm. Megjithatë, jam i mendimit që kur ti bën një ekip dhe kur ke një skuadër, siç është grupi parlamentar apo Partia Socialiste, ajo është skuadra jote”, thotë Fino.

Bashkim Fino ka komentuar edhe zgjedhjen e Erjon Braçes në postin e zv/kryeministrit, duke kërkuar nga Rama që të lexojë siç duhet duartrokitjet në asamble.

“Në mbledhjen e fundit të Asamblesë e PS-së, kur Rama prezantoi qeverinë e re, e gjithë Asambleja ishte në heshtje varri. Dhe, kur në fund tha zv.kryeministër do të jetë filani, pati një duartrokitje në sallë. Kjo duartrokitje erdhi instinktivisht, dhe ishte një duartrokitje zemre politike socialiste, të cilën Rama duhet ta lexojë mirë. Rama duhet ta lexojë vërtet mirë atë duartrokitje të Asamblesë Kombëtare të PS-së për zgjedhjen e Erjon Braçes si zv.kryeministër. Një zv.kryeministër i goditur, i vonuar, i ardhur në qeverinë Rama, ku duhej të ishte më përpara”, thotë deputeti socialist.

Arta Dade rrëfen arsyet e largimit nga PS: Vështirësi e jashtëzakonshme të punosh me Ramën

Të fundit