Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

BE për protestën: Respektojmë të drejtën për të protestuar, por dhuna nuk tolerohet

Politiko 21 Qershor 2019, 16:20
BE për protestën: Respektojmë të drejtën për

Delegacioni i Bashkimi Evropian në Shqipëri ka dalë në një deklaratë për shtyp përpara protestës së opozitës që do të zhvillohet ditën e sotme në orën 20:00.

Qëndrimi i institucionit është që e respektojmë dhe e mbështesin plotësisht të drejtën themelore të qytetarëve të Shqipërisë për të demonstruar. Por në të njëjtën kohë, vazhdojnë të theksojnë rëndësinë e ushtrimit të kësaj të drejte në mënyrë të rregullt dhe paqësore.

“Ne jemi të shqetësuar nga episodet e fundit të dhunës që kanë ndodhur në disa rajone të vendit. Asnjë akt i dhunshëm apo formë e nxitjes për dhunë nuk mund të tolerohen në asnjë rrethanë.

Është përgjegjësi e drejtpërdrejtë e liderëve të protestës për të siguruar që demonstrimet sonte të mbahen në mënyrë të sigurt si për pjesëmarrësit ashtu dhe për banorët Tiranës, si dhe për të shmangur çdo përshkallëzim gjatë protestave. Përdorimi i eksplozivëve apo i çdo sendi tjetër që mund të shkaktojë lëndime është krejtësisht i papranueshëm. Autoritetet e zbatimit të ligjit gjithashtu kanë përgjegjësinë që të vazhdojnë të veprojnë me përmbajtje, edhe nëse provokohen.

Ne vazhdojmë t'i bëjmë thirrje të gjitha palëve për të treguar vullnet të fortë politik dhe për t'u angazhuar urgjentisht në një dialog konstruktiv për të kapërcyer situatën politike aktuale, si dhe për të mbështetur dhe konsoliduar progresin e bërë nga Shqipëria në procesin e reformave.”, ishte mesazhi i delegacionit të bashkimit evropian në vendin tonë.

Të fundit