Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Beqaj propozon: Spitalet private të bëjnë tampone për Covid-19; një thirrje edhe për Ministrinë e Shëndetësisë

Politiko 10 Korrik 2020, 19:31
Beqaj propozon: Spitalet private të bëjnë tampone për

Ish-ministri i Shëndetësisë, Ilir Beqaj duke folur për situatën e pandemisë në vend tha se numri i shtuar i rasteve në vendin tonë lidhet në radhë të parë me mënyrën se si u perceptua relaksimi i masave pas karantinës nga COVID-19.

Ai propozoi rritje të inspektimeve në terren.

“Nuk bëmë ‘lock down’ që të ikte virusi, por që sistemi shëndetësor të ishte gati, me pajisjet e nevojshme, siç edhe ndodhi.

Duhet të rritet funksioni i inspektimeve dhe ato propozime që janë në fuqi të zbatohen. Që nga 29 maji pishinat janë të ndaluara, por praktikisht ato përdoren”, tha  Beqaj.

I pyetur lidhur me shqetësimin për numrin e vogël të testimeve në vend, të cilat për momentin kryhen vetëm pranë laboratorit në ISHP, z. Beqaj tha se misioni parësor i ISHP është ai epidemiologjik, por ka edhe njerëz që e kërkojnë këtë dokument për nevoja administrative, të cilët duhet të kenë një zgjidhje.

Ai sugjeroi se duhet vënë në funksion kontrata e Partneritetit Publik Privat.

“Para se të shkojmë tek laboratorët privatë, unë besoj se disponojmë një instrument shumë të vlefshëm; kontratat e Partneritetit Publik Privat, që Ministria e Shëndetësisë ka me një operator për 18 spitale private të vendit.

Kjo do të çonte në menaxhimin më të mirë të pandemisë. Rastet po shtohen, që do të thotë se ka shumë gjasa që një person që shtrohet në urgjencën e një spitali rajonal ka gjasa të ketë COVID.

Kjo kontratë mund të ndryshojë skedulin e implementimit dhe të shtrihet në të gjitha spitalet që kanë kontratën. Shtrirja në spitale është në varësinë e Ministrisë së Shëndetësisë.

“Çdo laborator duhet të jetë pjesë e rrjetit kombëtar spitalor të unifikuar, pasi kemi sistemin e gjurmimit të kontakteve që mund të rezultojnë pozitivë dhe këtu kemi më tej një reaksion zinxhir”, tha Beqaj për Euroneës Albania.

Të fundit