Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Berisha akuza jashtë Kuvendit: Greqia imponoi marrëveshjen e detit! Ky është grusht shteti

Politiko 7 Qershor 2018, 11:56
Berisha akuza jashtë Kuvendit: Greqia imponoi marrëveshjen e detit! Ky

Ish-kryeministri Sali Berisha lëshoi akuza të ashpra në drejtim të kryeministrit Edi Rama dhe ministrit të Jashtëm Ditmir Bushati, lidhur me marrëveshjen e detit me Greqinë.

Pas daljes nga Kuvendi, në një deklaratë për mediat ku tha se Greqia e kishte imponuar marrëveshjen dhe ia kishte dorëzuar palës shqiptare për miratim pa i dhënë asnjë mundësi kontestimi.

“Zhvillimet nga burime absolutisht të dy-trefishta brenda grupit negociator janë këto që vijojnë. Pala greke në mënyrën më arrogante dhe prepotente i ka dorëzuar palës shqiptare marrëveshjen duke i thënë merreni se për këtë nuk ka asnjë koment. Kjo është marrëveshja për të cilën kemi rënë dakord në Greqi dhe nuk mund të komentoni. Pala greke ka bërë të qartë se nuk mund të shqipërojnë fjalën ‘Koncesione’ dhe ‘Ekiti’. Disa anëtarë të delegacionit kanë shprehur mosaprovim të plotë për këtë qëndrim. Famozi ishulli Oton merr fuqi të plotë si për ujërat territoriale ashtu edhe zonën ekonomike. Spiuni Meçollari bën sikur negocion por ai ka falsikuar edhe minutat e diskutimit në negociata. Çfarë mund të presësh.”

Më tej Berisha tha se deklarata e ministrit grek të Mbrojtjes, Kamenos, për zgjerimin e zonës ekskluzive ekonomike të Greqisë konfirmon se marrëveshja është mbyllur dhe ky është grusht shteti pasi në mungesë të Gjykatës Kushtetuese nuk ka asnjë institucion që kontrollon marrëveshjen.

Ministri i Mbrojtjes, Kamenos një nacionalist, një anëtar i partive ekstremiste, një anti-shqiptar, ka deklaruar se Greqia do zgjerojë zonën ekonomike në kurriz të Shqipërisë, pasi në kurriz të Turqisë dhe Italisë nuk e bëjnë dot. Aparaturat e blera për matje nuk janë vënë në punë pasi grekët kanë thënë se nuk ka diskutim. Ky është grusht shteti pasi me bllokimin e Gjykatës Kushtetuese këtë marrëveshje nuk ka kush ta kontrollojë”. – deklaroi Berisha.

Të fundit