Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Berisha flet për paketën "anti-KÇK", pasionin e tij për politikën dhe familjen

Politiko 8 Shkurt 2020, 19:53

Berisha flet për paketën "anti-KÇK", pasionin e tij

I ftuar në "Kjo javë" me Nisida Tufën në Neës24, Sali Berisha ka folur për situatën aktuale politike në Shqipëri, për pasionin që ka për politikën, inetgrimin e Shqipërisë në BE dhe përjetimet e tij me familjen.

Ish-kryeministri Berisha, u shpreh se paketën "anti-KÇK", përbën shkeljet më të rënda ligjore në këto 30 vite dhe e komentoi si aktin final të shkatërrimit të shtetit.

" Së pari mendoj se duhet të biem dakord me ju dhe me të gjithë mediat e këtij vendi, që paketën ta quajmë paketën KÇK, kap c’të kapim në këtë fushatë, dhe do ua argumentoj shqiptarëve këtë. Përndryshe në rrafshin ligjor përbën aktin më të rëndë në 30 vitet e fundit dhe kjo është ‘colpo di grazia’ i atij që mund të kishte mbetur në Shqipëri si shtet ligjor. Pra në procesin e shtet shkatërrimit dhe të zëvendësimit me narkoshtetin, kjo përbën aktin pothuaj final. Ky akt, shkatërron Kushtetutën e vendit. E nxjerr vendin jashtë hapësirës të konventës europiane të lirive e të drejtave njerëzore. Akti në vetëvete, është një banditizëm ligjor i paimagjinueshëm. Që në fillim i kujtoj shqiptarëve se ky akt është rrëzuar nga Gjykata Kushtetuese në 2015.

Edi Rama e quajti në atë kohë, nëse ju kujtohet, FBI shqiptare, ose Byroja Kombëtare e Hetimit, e kundërshtuam, megjithatë e kaloi në parlament."

Ndërsa pyetjes së gazetares se "Shqipëria dhe BE, a do t’i celë Shqipëria negociatat ?", Berisha u përgjigj duke thënë:

Nëse ka një projekt që shqiptarët e kishin ëndërr ishte ‘Shqipëria si Europa, Shqipëri në BE’, këtë projekt e shkatërroi Edi Rama përfundimisht. Edi Rama akuzon poshtë e përpjetë presidentin Macron, por përvec këtij viti ku ai doli haptar se Shqipëria nuk meriton dhe janë 15 vende që thonë se Shqipëria nuk e meriton, Presidenti Macron, Franca nuk ka nxjerr asnjë pengesë konkrete. Pra, Edi Rama humbi rastin në 2015 se e mbushi vendin me drogë, humbi rastin në 2016 se filloi kokaina, humbi rastin në 2017 se shkatërroi shtetin ligjor, la vendin pa gjykata. A mund të imagjinoni një vend që pretendon të hapë negociatat kur nuk ka Gjykatë Kushtetuese dhe Gjykatë të Lartë. Për të mbetur Dvorani i vetmi u mbajt tre vite pa u ngritur KED, që t’i hiqnin një nga një anëtarët e Gjykatës së Lartë dhe të mbetej Dvorani, një kriminel që ka fsheh pasuritë dhe qëndron aty kur vendin e ka në burg. Ka fsheh 100 mln lekë dhe si justifikohet, se mi ka dhënë Sali Berisha ato lekë, dhe s’ka gjë pse e kam shkel ligjin. Ky është Edi Rama. Në atë KÇK e zhduk sistemin tre shkallësh, mjaftojnë dy shkallë për të bërë të paqenë pasurinë. Pra, kjo është historia e procesit të integrimit. A do hapen? Jo nuk hapen kurrë ashtu sic ishin, është dëm i parikthyeshëm. Nëse më pyesin sot mundësitë janë më të pakta për t’u integruar pas 20-25 viteve se sa për të mbetur jashtë fare. Pse? Negociatat si parim do hapen, por me procedurën speciale që imponoi Shqipëria, sepse bëhen raporte gënjeshtër mbi gënjeshtër dhe erdhi dikur ‘mjaft është mjaft’ thanë këto raporte s’i besojmë më, kjo është e gjithë historia, dhe u bë Shqipëria shkaku që të reformohet procedura e zgjerimit, dhe në mars mund të thuhet PO, por ai do jetë një horizont që pa ndryshimet dramatike të rëndësishme në vend Shqipëria s’do ta kap më.

Por si është dita e Berishës dhe kujt i përkushtohet ai më shumë në familjen e tij?

Dita ime mbyllet në 02:00 të natës, prej dekadash, fillon në 07:00-08:00 të mëngjesit. Leximi është tani që kam kohën, ka hapësirat më të mëdha. Shkruaj, jam njeri që shkruaj ditë për ditë. Si pedagog, kurrë nuk lexoja një leksion të vjetshëm, e shkruaja e përpiqesha ta pasqyroja, edhe këtu unë shkruaj çdo ditë.

Aktiviteti fizik është pjesë e ditës. Bëj çdo ditë 10 mijë hapa, janë të dobishëm, norma është 30 minuta në ditë sforcim me rritje të veprimtarisë së zemrës, të tjerat pastaj për të ruajtur një peshë konstante, unë e pëlqej këtë që të ruaj një peshë konstante. Merrem me fëmijët, nipër mbesa..

Veç zonjës tuaj që kaloni një pjesë të ditës, kush është personi në familje që i përkushtoheni më shumë?

Në familje personi që i përkushtohesh më shumë është më i vogli gjithmonë. Pastaj nuk bëjmë diskriminim por sa më shumë rriten aq më shumë kanë dëshirë të veçohen, nuk pëlqejnë patronalizmat e të tjerat.