Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Berisha për Ramën: Përçarës kombëtar. Çdo shqiptar duhet duhet të jetë krenar për atë shqipe që i mëson nana e vet 

Politiko 11 Maj 2017, 12:10
Berisha për Ramën: Përçarës kombëtar. Çdo

Sali Berisha, ka qenë sot në fjalimin e tij nga Çadra e protestës, në formën e mirë të dikujt që njeh turmën dhe ndjen se po mbërrin diçka numerikisht domethënëse. Te bashkimi i këtyre të dyjave e valëviti ish-Kryeministri flamurin e fjalëve të veta, nëpër të cilat përkufizohej Edi Rama si përçarës kombëtar dhe përçmues i Veriut të Shqipërisë.

Tha ish-Kryeministri:

Zonja dhe zotërinj, Edi Rama është po aq antishqiptar sa ishte babai i tij shpirtëror, Enver Hoxha. Është antishqiptar në gen, dhe është i vetmi pas Enver Hoxhës që nuk lë rast pa shprehur urrejtjen, përçmimin, diskriminimin për Veriun e Shqipërisë. Në katër vite, ky antishqiptar ka investuar në rrethet e Veriut më pak se gjysmën e investimeve në një prej bashkive, ku vjedh së bashku me kryetarin.

Ky përçarës kombëtar, u thotë ambasadorëve të huaj se unë kam futur në Kuvend këta kriminelë nga Veriu, sepse Veriu tradicionalisht qeveriset nga këta njerëz. Unë i them se cubat dhe horrat janë morali i sojit dhe familjarëve të tu. Ti përçmon Veriun për dialektin e tij të mrekullueshëm. Tani më duhet të them një fjalë, çdo shqiptar duhet të jetë krenar për atë shqipe që i mëson nana e tij. Dhe atij mund t’ia përqeshë dialektin vetëm ai që nuk është shqiptar, vetëm ai që urren shqiptarët. Unë të them, mos i përçmo, mos përdor postin për të fyer dhe përçmuar qytetarët e vendit. Të jesh i bindur se gjëja më e thjeshtë është të tregojnë ty, të japin atë që meritojnë në më pak se gjysmë ore.

Të fundit