Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Berisha reagon pas deklaratës së Delegacionit të BE: Romana Vlahutinin refuzova ta prisja në zyrë

Politiko 14 Prill 2018, 08:11

Berisha reagon pas deklaratës së Delegacionit të BE: Romana

Ish-kryeministri Sali Berisha ka reaguar pas deklaratës së Delegacionit të Bashkimit Europian ku hidheshin poshtë pretendimet se Romana Vlahutin kishte kërkuar arrestimin e tij.

Berisha në reagimin e tij rendit disa fakte që sipas tij konfirmojnë këtë kërkesë të Vlahutin për ish-kryeprokurorin Adriatik Llalla. Ai tregon edhe se si kishte refuzuar të takohej me ambasadoren e BE-së, e cila kishte kërkuar ta sqaronte për këtë çështje.

Reagimi i Berishës:

Sqarim!

Lidhur me nje deklarate te zedhenesit te delegacionit te Bashkimit Europian ne Tirane, i pyetur nga media per te komentuar deklaratat e mia ne intervisten televizive dhene gazetares Mirela Milori ne televizionin ABC, duke shprehur konsideraten time te palekundur per Delegacionin sqaroj dhe nje here sa vijon:

-Ne vitin 2015 ambasadori i njerit prej vendeve kryesore, me shume se nje here eshte shprehur se ambasadorja Romana Vllahutin i ka kerkuar prokurorit te pergjithshem Adriatik Llalla arrestimin e Sali Berishes dhe se ai e kishte konsideruar absurd nje akt te tille, dhe se kete ia kishte shprehur dhe ambasadores.

Kete çeshtje une e kam bere publike se paku edhe dy here te tjera dhe asnjeri nuk e ka pergenjeshtruar.

-Personalisht, ndonese nuk mund ta merrja kete si trillim, e kam injoruar totalisht si nje akt militantesk e qesharak. Kam menduar se zonja Vllahutin, si mikeshe e afert e Edi Rames mendon se ne kete menyre e ndihmon ate.

-Rreth nje vit me vone Presidenti i Republikes, Bujar Nishani eshte informuar zyrtarisht nga prokurori i pergjithshem Adriatik Llalla per kerkesen e paraqitur ne zyren e tij nga Ambasadorja Vllahutin per arrestimin e Sali Berishes.

-Presidenti Nishani ka thirrur ne zyre Ambasadoren Vllahutin per sqarime lidhur me kete veprim te saj dhe zonja ambasadore ka mohuar ne menyre kategorike qe ajo te kete bere nje kerkese te tille.

-Pas kesaj, diplomat i rendesishem i akredituar ne Tirane me ka njoftuar se ambasadorja kerkon te me sqaroj per kete problem. Une e kam konsideruar te panevojshem nje sqarim nga ana e saj per kete çeshtje. Te gjesh te verteten per nje bisede te zhvilluar midis dy personave, pothuaj eshte e pamundur.

Por natyrisht per mua bente dallim fakti se ky informacion tani kishte dy burime.

Me kete rast dua te siguroj delegacionin e BE ne Tirane se qendrimet e mia publike ndaj aferes se kontrates se Viles ne Mullet,te blere me 4700 euro metrin katror, pra mbi tre here nga çmimet egzistuese ne zone, te bera publike ne mediat e vendit dhe te huaja, nuk kane absolutisht asnje lidhje me problemin e mesiperm.

Ato kane ne baze bindjen time se aferat e dyshimta duhen hetuar kudo qe shfaqen.

Se fundi, lidhur me problemin celulareve une e kam konsideruar vertet te vajtueshem nje pretendim te tille, por siguroj se kam bere publike vetem ate qe eshte thene nga burime tejet seroze, pa shtuar absolutisht asnje fjale apo presje! sb