Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Besa Shahini: Nëse nuk rihapen shkollat brenda majit, viti shkollor mund të shtyhet me një muaj

Politiko 13 Prill 2020, 13:25
Besa Shahini: Nëse nuk rihapen shkollat brenda majit, viti shkollor mund

Ministrja e Arsimit Besa Shahini, lajmëroi së fundmi se nëse nuk do të krijohet mundësia që brenda muajit maj nxënësit të rikthehen në shkolla, atëherë viti shkollor mund të shtyhet me një muaj. Që do të thotë se mësimi mund të zhvillohet deri në muajin korrik.

Deklarata e ministres erdhi gjatë një interviste me Skype për Report TV.

Ndërsa sa i përket maturantëve që do duhet të nisin shkollën e lartë, Shahini tha se nëse do të krijohet nevoja, do të shtyhen po me një muaj edhe aplikimet për në universitet.

Ministrja sqaroi se ky vendim do të duhet të merret nëse brenda muajit maj nuk do të ketë mundësi që nxënësit të shkojnë fizikisht në shkollë, për të marrë leksione dhe mësime drejtpërdrejt nga mësuesit, dhe jo online siç po praktikohet deri më tani.

E pyetur nëse do të zgjatet mësimi, ministrja u përgjigj:

 "Në një nga skenarët është edhe kjo e paraparë. Nuk është skenar që e pëlqejmë. Do donim të mbyllej viti në kohë, nëse jo në korrik, së paku nga korriku do donim që maturantët të kishin diplomat, për të filluar shkollën e lartë. Nëse nuk arrijmë t'i hapim shkollat në maj, duhet ta shtyjmë pak vitin shkollor.

Maturantët i kanë zgjedhur lëndët që duan t'i bëjnë në maturë dhe kanë përzgjedhur ku duan të regjistrohen në fakultet. Nuk ka ndonjë konfuzion në lidhje me ato se ku aplikojnë maturantët dhe si shkon ky proces, e vetmja gjë që do vendosim, është nëse shtyhen datat e aplikimit për në universitet, që e kemi në dorë, universitetet kanë mirëkuptim se jemi në situatë pandemie. Nëse na shtyhet viti shkollor për një muaj, i shtyjmë datat e regjistrimit për në universitet. Në këtë pikë ku jemi nuk është e nevojshme, por nëse do të jetë, do t'i shtyjmë datat për aplikim në universitet", tha Shahini.

Të fundit