Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Beteja me ish-drejtorin, Gjykata detyron Arben Ahmetajn t’i paguajë nga xhepi çdo ditë 48 mijë lekë

Politiko 1 Nëntor 2018, 13:09

Ministri i Financave, Arben Ahmetaj, prej dy ditësh, po detyrohet të paguajë nga rroga e tij, 48 mijë lekë të vjetra për një ish-drejtor në këtë dikaster. Politiko.al ka siguruar vendimin e Gjykatës Administrative që e ngarkon ministrin Ahmetaj me një gjobë të barabartë me 20% të pagës minimale, në shkallë vendi. Vendimi është marrë nga gjyqtari Gentian Hamiti.

Personi që ka paditur Ministrinë e Financave është shkarkuar nga detyra në vitin 2013-të, kur ky institucion drejtohej nga Shkëlqim Cani, dhe pas betejës ligjore gjykata vendosi se, shkarkimi ishte i paligjshëm duke kërkuar nga Ministria dëmshpërblimin e ish-drejtorit me pagat gjatë kohës që rezulton i papunë dhe rikthimin e tij në të njëjtin pozicion apo në një pozicion të ngjashëm.

Ky vendim nuk është zbatuar nga Ministria e Financave dhe çështja ka përfunduar sërish në gjykatë, por këtë herë trupi gjykues ka ngarkuar me përgjegjësi titullarin e institucionit, Arben Ahmetajn. Duke qenë se dëmshpërblimi nuk ka dalë nga buxheti i Ministrisë, tani do të jetë Ahmetaj që do paguajë nga xhepi detyrimet për ish-drejtorin deri në zbatimin e vendimit të gjykatës.

I çuditshëm është fakti që ministri Ahmetaj nuk e ka ankimuar në gjykatë këtë vendim, i cili tani ka marrë formën e prerë.

Të fundit