Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Betimi i gjyqtarëve të Kushtetueses, zbardhet drafti i PS që nxjerr presidentin ‘jashtë loje’

Politiko 10 Dhjetor 2019, 13:20

Betimi i gjyqtarëve të Kushtetueses, zbardhet drafti i PS që

Zbardhet drafti –propozimi i Partisë Socialiste për shmangien e përplasjeve me presidentin sa i takon betimit të anëtarëve të Gjykatës Kushtetuese.

Sipas këtij drafti, Presidentit i vihet një afat prej 10 ditësh që të ftojë për betim anëtarët e Gjykatës Kushtetuese dhe nëse kjo nuk ndodh brenda këtij afati, atëherë socialistët kanë propozuar që betimi bëhet në formë të shkruar dhe ia dërgon atë Presidentit të Republikës, organit të emërtesës dhe Gjykatës Kushtetuese.

P R O J E K T L I GJ

Nr.__/ 2019

“PËR DISA SHTESA NË LIGJIN NR. 8577, DATË 10.02.2000, “PËR ORGANIZIMIN DHE FUNKSIONIMIN E GJYKATËS KUSHTETUESE”, TË NDRYSHUAR”

Në mbështetje të neneve 81 dhe 83, pika 1, të Kushtetutës, me propozimin e Këshillit të Ministrave,

K U V E N D I

I REPUBLIKËS SË SHQIPËRISË

V E N D O S I:

Në ligjin nr. 8577, datë 10.02.2000, “Për organizimin dhe funksionimin e Gjykatës Kushtetuese”, të ndryshuar, bëhen këto shtesa:

Neni 1

Në nenin 8, paragrafi 1, shtohet fjalia e dytë me këtë përmbajtje:

“Presidenti i Republikës organizon ceremoninë e betimit jo më vonë se 10 ditë nga data e zgjedhjes, emërimit ose shpalljes të emëruar të anëtarit të Gjykatës Kushtetuese. Nëse anëtari i Gjykatës Kushtetuese nuk thirret për të bërë betimin, pas përfundimit të këtij afati, ai kryen betimin në formë të shkruar dhe ia dërgon atë Presidentit të Republikës, organit të emërtesës dhe Gjykatës Kushtetuese. Data e organizimit të ceremonisë së betimit ose data e dërgimit të betimit me shkrim, konsiderohet si dita e betimit dhe e fillimit të detyrës së gjyqtarit të Gjykatës Kushtetuese dhe përfshihet në dosjen e tij personale. Në rast se gjyqtari nuk pranon të bëjë betimin, mandati i tij përfundon”

Neni 2

Në nenin 86, pas pikës 4 shtohet pika 5 me këtë përmbajtje:

“5. Gjyqtarët e zgjedhur, të emëruar ose të shpallur të emëruar, por që nuk kanë bërë betimin, me hyrjen në fuqi të këtij ligji betohen sipas rregullave të këtij ligji.”

Neni 3

Ky ligj hyn në fuqi 15 ditë pas botimit në “Fletoren Zyrtare”.

K R Y E T A R I

GRAMOZ RUÇI

Kujtojmë se Meta nuk thirri Arta Vorpsin të bëjë betimin në presidencë, e cila pas përfundimit të afatit pas dorëzimit të listave të KED, u zgjidh automatikisht anëtare e re e Gjykatës Kushtetuese.

Presidenti thirri për dekretim Marsida Xhaferllarin edhe pse renditej e katërta në listë, kurse Arta Vorpsi zgjodhi të bëjë betimin në një zyrë noterie.

Deri më tani, ligji njeh si të rregullt betimin para presidentit, i cili mundëson fillimin e detyrës, në të kundërt, mandati konsiderohet nul.