Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Biznesi i vogël në TVSH - Spaho: Çmimet e ushqimeve dhe shërbimeve do rriten deri në 15%

Politiko 13 Tetor 2017, 22:07
Biznesi i vogël në TVSH - Spaho: Çmimet e ushqimeve dhe

Partia Demokratike mbetet e vendosur për të kundërshtuar me forcë futjen e biznesit të vogël në TVSH. Kryetari i grupit parlamentar të PD-së, Edmond Spaho, duke folur për Ora News jashtë Kuvendit tha se do përdoren të gjithë mekanizmat  parlamentarë për ta penguar, ndërsa bëri një panoramë sesa pritet të rriten çmimet në vend nëse kjo ndodh. Spaho tha se “do ta kundërshtojmë këtë iniciativë me mjete që na jep Kuvendi gjatë debatit si në Komisione, ashtu dhe në seancë plenare, do kërkojmë konsulta me gjithë palët e interesuara. Do të jetë një lëvizje negative, do shoqërohet me rritje të çmimeve për konsumatorët. Sipas përllogaritjeve të para që kemi bërë ketë një rritje mesatarisht të çmimeve të mallrave ushqimore të fruta-perimeve prej 8-10% pa folur për normën e inflacionit 1-3%, për shërbimet do lëvizë nga 12-15%. Mund të ketë dhe mbi këtë dhe nën këto nivele, po flas për mesatare. Rritja e çmimeve do shoqërohet me rënie të konsumit, jo vetëm përkeqësimin e nivelit të jetesës së qytetarëve por me rënie konsumi dhe kjo do ketë efekte në biznese. Një pjesë e mirë e bizneseve të vogla kanë për të falimentar sepse nuk do i rezistojnë tregut.”

Ndërsa për reforma zgjedhore, Spaho tha se “Ne sot diskutojmë për një nga cështjet më të rëndësishme që shqetëson opozitën por jo vetëm pasi kjo është e lidhur me fatin e gjithë shoqërisë shqiptare. Cështjen e reformës zgjedhore që në fakt ka të bëjë me arritjen e standartit për zgjedhje të lira dhe të ndershme. Nëpërmjet kësaj seance synojmë të sjellim edhe një herë në vëmendje të publikut, atë cka ndodhi në zgjedhjet e 25 qershorit të këtij viti, e ilustruar kjo me gjetjet e raportit të OSBE/ODIR-it, i cili duhet thënë është më negativi të paktë që nga viti 2001 që është shkruar për zgjedhjet në Shqipëri dhe njëkohësisht argumentojmë nevojën e një reforme të thellë, tërësore, gjithëpërfshirëse, zgjedhore që mund përfundimisht ta shkëpusë Shqipërinë nga problematika e rëndë e zgjedhjeve, sidomos nga shitblerja e votës dhe për ta futur atë në rrugën në të cilën ecin gjitha vendet demokratike.”

Të fundit