Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Biznesmeni tregon çfarë pa në “Astir”: U shtanga! Në errësirë, efektivët me skafanda gjuanin adoleshentin në kokë

Politiko 23 Nëntor 2018, 12:57

Biznesmeni tregon çfarë pa në “Astir”: U shtanga!

Biznesmeni dhe njëkohësisht Kryetari i Shoqatës për Mbrojtjen e Shtëpive, Pronave, Historisë dhe Kulturës Himarë, Nikollaq Neranxi, ka treguar publikisht sjelljen barbare të policisë së shtetin me një adoleshent në Astir.

Nëpërmjet një reagimi në Facebook, Neranxi tregon se tre ditë më parë, teksa po kthehej nga puna, rreth orës 8 të darkës, në zonën e Astirit dy efektivë policie me skafandra po merrnin zvarrë një djalë adoleshent dhe po e gjuanin në kokë.

Duke dënuar rëndë aktin, Neranxi shprehet se është në krah të banorëve të Astirit.

Reagimi i Nikollaq Neranxit:

Për policinë që zbaton urdhrat qeveritare dhe jo ligjet dhe për të drejtën e banesës në çdo rrethanë!

Para tre ditësh, teksa po kthehesha nga puna, diku rreth orës 8 të darkës, në zonën e Astirit ku rruga ishte errësirë totale dhe nga ana tjetër protestohej, para makinës time kalojnë dy efektivë policie me skafandra të cilët po merrnin zvarrë një djalë adoleshent dhe po e gjuanin në kokë. U shtanga, ai ishte sa djali im, me shumë gjasa kishte dalë në protestë sepse i kanë thënë që do ta nxjerrin në rrugë, pasi shteti nuk ia legalizoi pronën. Pra ai djalë që sapo ka nisur jetën, duhet të paguajë për një veprim që ka bërë i jati, kur ai me shumë gjasë as nuk kishte lindur akoma, që gjithsesi ky baba nuk kishte bërë ndonjë krim, sepse po flasim për shtëpi të ndërtuara kryesisht në vitin 1998, me një Shqipëri të sapo dalë nga tmerri i firmave piramidale dhe me një shtet gati inekzistent. Pra ky djalë i ri, duhet të paguajë për të gjitha këto!!!

Në fakt doja që këtë skenë dhune nga ana e policisë, ta bëja menjëherë publike, por mendova se do dukesha i pabesueshëm meqë nuk arrita të merrja një video. Por kur pashë dje se si në mes të ditës, policët bënë të njëjtin veprim, duke marrë zvarrë dhe duke goditur një adoleshent, aty mendova që kjo polici e cila mbahet me taksat tona, as do t’ja dijë për respektimin e ligjeve, por vijon të bëjë veprime antiligjore, nën urdhrat e pushtetit. Pra policia është qeveria dhe kjo qeveri e merr zvarrë këtë popull, sapo ai ngrihet të kërkojë të drejtat e tij. Ai e tall, e përdor për shoë kur do të ndajë ndonjë çertifikatë legalizimi dhe kur i intereson, i thotë ik që aty se ti je zaptues!

Në një vend ku ka institucion legalizimi kjo nuk është e drejtë, por kjo nuk është as njerëzore, nuk është demokratike, nuk respekton as të drejtat e njeriut. Atij që i merr banesë, duhet t’i japësh banesë!

Të gjithë e duam infrastrukturën e zhvilluar, por jo në kurriz të jetës së atyre fëmijëve që protestojnë për ditë. Nuk dua unë të ec në një rrugë të bukur, për ndërtimin e së cilës u shkatërrua jeta e shumë njerëzve. Sepse shtëpia është jeta!

Dhe sa për propagandën për të cilën kjo qeveri ka talent të spikatur, teksa thonë që po ju dhamë shtëpi banorëve të Astirit, do bëjmë më pak shkolla dhe kopshte, unë mendoj se nuk ka nevojë fare të kufizohen me këto investime, mjafton që të vjedhin më pak dhe të gjitha bëhen.

Unë jam në krah të banorëve të Astirit!

Nikollaq Neranxi