Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Bjellorusët “premtojnë” të dielë të rrëmujshme, vazhdojnë në javën e 4-të protestat për dorëheqjen e Lukashenkos

Politiko 6 Shtator 2020, 12:01

Protesta të mëdha pritet të mbahen në Bjellorusi gjatë ditës së sotme duke bërë thirrje që presidenti Alexander Lukashenko të tërhiqet. Të shtunën, agjentët e sigurisë në kryeqytetin Minsk arrestuan dhjetëra njerëz, kryesisht studentë, në javën e katërt të protestave.

Në një marshim të veçantë, mijëra gra brohorisnin "duart larg fëmijëve". Ndërkohë, një aktiviste e lartë e opozitës tha se ajo ishte strehuar në Poloni pas kërcënimeve nga forcat e sigurisë.

Demonstruesit thonë se zgjedhjet presidenciale të 9 gushtit ishin manipuluar për të mbajtur Lukashenko në detyrë.

Protestuesit, aktivistët e të drejtave të njeriut dhe vëzhguesit kanë akuzuar policinë për shtypjen brutale të marshimeve paqësore.

Lukashenko, i cili ndodhet në pushtet që nga viti 1994, ka akuzuar shtetet perëndimore për ndërhyrje dhe godet gazetarët që mbulojnë trazirat .

“E diela është bërë dita kryesore për demonstratat në rrugë të Bjellorusisë që kur protestat filluan katër javë më pare”, raporton Jonah Fisher i BBC në Minsk.

Policia ka intensifikuar përpjekjet e saj për të frikësuar dhe bllokuar rrjedhën e njerëzve që drejtohen në qendër të qytetit, ndërsa arreston ata që marrin pjesë në demonstrata, shton korrespondenti i BBC.

Në prag të protestave, agjentët e maskuar të sigurisë tërhoqën studentët nga rrugët e Minskut dhe i futën në furgona policie gjatë një demonstrate. Dhjetra protestues të tjerë u arrestuan.

Gjithashtu të shtunën, aktivistja kryesore e opozitës Olga Kovalkova tha se ajo ishte strehuar në Poloni, duke shtuar se ajo do të përballej me një burg të gjatë nëse nuk do të pranonte të largohej nga Bjellorusia.

Të premten, udhëheqësja e opozitës në mërgim, Svetlana Tikhanovskaya i kërkoi Kombeve të Bashkuara të ndihmojnë në ndalimin e shtypjes së protestuesve.

37-vjeçarja përfaqësoi opozitën ndaj Lukashenko-s në zgjedhje, ajo hyri në garën presidenciale pasi burri i saj, Sergei Tikhanovsky dhe një kandidat tjetër u burgosën.

Ajo tha se opozita po kërkonte t'i jepte fund dhunës policore, lirimin e menjëhershëm të të gjithë të burgosurve politikë dhe rikthimit të zgjedhjeve të lira dhe të ndershme.

Muajin e kaluar, udhëheqësit e BE ranë dakord të vendosnin sanksione, përfshirë ngrirjen e aseteve mbi zyrtarë bjellorusë ende pa emër të përfshirë në manipulime të pretenduara të zgjedhjeve, brutalitet dhe burgosje të protestuesve.

Raportuesi special i KB për Bjellorusinë, Anais Marin, tha se rizgjedhja e Lukashenko-s si president ishte "manipuluar plotësisht" dhe "votat e njerëzve u vodhën".

Ajo akuzoi policinë e Bjellorusisë për tortura, duke përmendur si shembull një 16-vjeçar i cili ishte "rrahur aq keq sa përfundoi në koma. Autoritetet duhet të lirojnë të gjithë të arrestuarit, qeveria po bën një luftë të çmendur kundër popullit të saj”, tha ajo.