Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Bjellorusi, gazetarëve të huaj u hiqet akreditimi për të raportuar

Politiko 30 Gusht 2020, 13:58
Bjellorusi, gazetarëve të huaj u hiqet akreditimi për të

Autoritetet në Bjellorusi kanë tërhequr akreditimin e një numri gazetarësh të huaj që kanë raportuar për protestat pas zgjedhjeve të fundit.

Media britanike BBC u ka kërkuar autoriteteve Bjelloruse që të lejojnë qasjen e reporterëve, teksa thekson se dënon "në termat më të fortë të mundshëm këtë ashpërsi të gazetarisë së pavarur".

"Ne besojmë se është jetike për njerëzit e Bjellorusisë që të kenë qasje në informacione të paanshme, të pavarur në lidhje me ngjarjet në vendin e tyre. BBC Russian, e cila arrin më shumë se pesë milion njerëz në javë, ka qenë një burim kryesor i lajmeve për njerëzit në Bjellorusi dhe Rusi gjatë trazirave pas zgjedhjeve, "thanë përfaqësuesit e saj.

Sekretari i Jashtëm i Mbretërisë së Bashkuar Dominic Raab tha se ai e dënoi këtë veprim dhe kishte ngritur shqetësimet e tij tek zyrtarët Bjellorusë.

Njoftimi erdhi disa ditë pasi gazetarë të shumtë, përfshirë një ekip të BBC, u arrestuan në Minsk përpara një proteste.

Ministria e brendshme tha se ata ishin dërguar në një stacion policie për kontrollet e identitetit. Por,  Steve Rosenberg i BBC, i cili ishte në mesin e të arrestuarve, tha se ishte një "përpjekje e qartë për të ndërhyrë në mbulimin e ngjarjeve".

Demonstrata të reja kundër qeverisë shpërthyen të shtunën në Bjellorusi, teksa disa mijëra gra të veshura me veshje kombëtare, u mblodhën në kryeqytetin e Minskut, duke tundur flamuj dhe lule në atë që ata e quanin "marshim të solidaritetit", duke i kërkuar Lukashenkos dhe qeverisë të heqin dorë.

Të fundit