Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Blushi dhe Hafizi takojnë ambasadorët e SHBA dhe BE: Paketë orientuese për të dalë nga kriza, presidenti jo nga PS-LSI

Politiko 29 Mars 2017, 13:17
Blushi dhe Hafizi takojnë ambasadorët e SHBA dhe BE: Paketë

Kryetari i Partisë LIBRA, Ben Blushi, bashkë me deputeten Mimoza Hafizi, u takuan sot me dy ambasadorët, Romana Vlahutin dhe Donald Lu, me të cilët shkëmbyen opinionet lidhur me rolin e LIBRA-s në parlament dhe mundësitë e daljes nga kriza politike.

Blushi u bëri me dije ambasadorëve se LIBRA  është e vendosur për të marrë pjesë në zgjedhjet e ardhshme, e vendosur për të kontribuar në përmirësimin e standardeve zgjedhore dhe e gatshme për të votuar procesin e vetingut.

Siç ia ka prezantuar para disa ditësh ambasadorëve të Bashkimit Europian, Blushi i prezantoi ambasadorëve Lu dhe Vlahutin një paketë pikash orientuese bashkëpunimi, të cilat mund të çojnë në lehtësim të krizës politike, proces në të cilin LIBRA është e gatshme të japë kontributin e saj. U diskutua rreth nevojës për një prani të lartë ndërkombëtare në monitorimin e procesit zgjedhor, për monitorimin e sjelljes së policisë së shtetit gjatë zgjedhjeve, për numërim jomilitant të votave, dekriminalizim të listave zgjedhore dhe depolitizim të trupës së arsimtarëve dhe për transparencë dhe kufi të shpenzimeve të partive politike në fushatë.

“Në situatën aktuale politike, LIBRA do të kërkojë një president që nuk vjen nga shumica parlamentare si dhe mosshtyrje të datës së zgjedhjeve. LIBRA inkurajon dialogun, me qëllim pjesëmarrjen e të gjitha partive në zgjedhje, çka do t’i jepte legjitimitet rezultatit zgjedhor dhe parlamentit të ardhshëm”, thuhet në njoftimin e LIBRA-s.

Blushi i njohu ambasadorët me përgatitjet e LIBRAs për zgjedhje dhe procesin e caktimit të kandidatëve për deputetë.

Të fundit