Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Bojkotuan diskutimet për ‘Zgjedhoren, Gjiknuri thirrje PS dhe PD: Kthehuni në tryezë, mos të humbim kohë!

Politiko 20 Maj 2020, 13:23
Bojkotuan diskutimet për ‘Zgjedhoren, Gjiknuri thirrje PS dhe PD:

Damian Gjiknuri, Kryetar i Reformës Zgjedhore dhe përfaqësues i PS u ka bërë thirrje partive opozitare që të rikthehen në tryezën e këshillit politik.

Në një letër drejtuar Rudina Hajdarit,  Oerd Bylykbashi dhe Petrit Vasili, Gjiknuri u kërkon të mblidhen në një mbledhje të enjten ose të premten dhe të mos humbasin kohë nga  data 31 maj, date e propozuar nga prej tyre si afati për përmbushjen e objektivit te reformës zgjedhore me dakordesi.

“E nderuara Zonja Hajdari 

Te nderuar Zoti Oerd Bylykbashi dhe Zoti Petrit Vasili 

Nisur nga mungesa e paparashikuar  e perfaqesuesve tuaj, (opozites jashteparlamentare) ,  ne mbledhjen e  dakordesuar  te dates 18 Maj 2020, si dhe nga nevoja urgjente e adresimit te nje numri ceshtjesh qe kane mbetur pezull per diskutim dhe miratim nga Grupi Negociues politik, propozoj thirrjen e mbledhjes se radhes  diten e Enjte ose te Premte  (21/ 22 Maj, ora 10.00 AM ), ne te njejten vend ku kemi zhvilluar dhe mbledhjet e fundit ne Pallatin e Kogreseve.

Mendoj te vazhdojme me temat qe ishin ne rendin e dites te dates 20 Maj, pra miratimin e kapitujve qe lidhen me kuotat gjinore, periudhen zgjedhore dhe financimin e fushates zgjedhore. Grupi i eksperteve teknik perfshire dhe perfaqesuesit  tuaj,  kane pergatitur propozime te cilat kerkojne miratimin tone per pikat qe akoma nuk eshte gjetur dakodesi. Puna grupit teknik eshte realiziuar sipas metodologjise se rene dakort ne Grupin Negociator si dhe ne te jane reflektuar edhe opinionet me shkrim te  eksperteve te ODIHR dhe Keshillit te Evropes. 

Mendoj qe nuk duhet te humbim me kohe pasi data 31 maj, nje date e propozuar nga ju si afati per permbushjen e objektivit te reformes zgjedhore me dakordesi, po afron dhe mbetet shume pak kohe ne dispozicion per te adresuar  numrin e ceshtjeve te mprehta qe ne kemi mbi tavolinen e negociatave. Realizimi i reformes zgjedhore eshte nje kusht i rendesishem i integrimit europian , por mbi te gjitha nje premise shume e rendesishme per te gjitha palet politike me qellim realizimin e zgjedhjeve  te lira dhe demokratike ne vend”, shkruan Gjiknuri.

Dje, kreu i PD, Lulzim Basha ka sinjalizuar se opozita mund të braktisë tryezën për Reformën Zgjedhore.

I pyetur nga gazetarët pas takimit me ambasadorët e BE, Basha tha se ky fakt nuk mund të varet prej tyre, ndërsa akuzoi mazhorancën se nuk ka marrë parasysh propozimet e paraqitura prej tyre.

Të fundit