Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

46 emigrantë gjenden të pajetë në një kamion të braktisur në SHBA, 16 të tjerë dërgohen në spital

Politiko 28 Qershor 2022, 08:08

46 emigrantë gjenden të pajetë në një kamion të

46 persona u gjetën të pajetë në një kamion që ishte braktisur në një rrugë në San Antonio. Kjo shënoi tragjedinë e fundit që mori jetën e migrantëve të kontrabanduar përtej kufirit nga Meksika në SHBA.

Ndërsa 16 persona u shtruan në spital, përfshirë katër fëmijë. Thirrjet për ndihmë u dëgjuan nga kalimtarët, të cilët njoftuan më pas policinë.

Kjo është ndër tragjeditë më vdekjeprurëse që ka marrë mijëra jetë njerëzish që tentuan të kalonin kufirin e SHBA nga Meksika në dekadat e fundit. Dhjetë migrantë vdiqën në vitin 2017 pasi u bllokuan brenda një kamioni që ishte parkuar në San Antonio. Në vitin 2003, 19 emigrantë u gjetën në një kamion të mbytur në juglindje të San Antonio.

Vendet e origjinës së emigrantëve dhe sa kohë ata qëndruan të braktisur në anë të rrugës nuk dihet. Teksasi i Jugut ka qenë prej kohësh zona më e ngarkuar për kalime të paligjshme kufitare. Emigrantët hipin në automjete nëpër pikat e kontrollit të Patrullës Kufitare për në San Antonio, qyteti më i afërt i madh, nga i cili pikë ata shpërndahen në të gjithë Shtetet e Bashkuara.

Burimi: AP

 

Të fundit