Flash News

Video/ Konflikti i dhunshëm në Ksamil, dy biznesmenët u përleshën për çadrat e plazhit

Kurti dhe Limaj takohen, s’dihet nëse kanë arritur ujdi për krijimin e institucioneve

Dhunohet pronari i një hoteli në Ksamil, arrestohet autori

Ra në kontakt me energjinë elektrike, humb jetën 32-vjeçari në plazhin e Shëngjinit

Sherr për pronën në Tushemisht, 4 persona rrihen mes tyre me sende të forta, mes tyre edhe kryeplaku

Bota

Tragjedi në Indi/ Rrëzohet avioni me mbi 200 pasagjerë në bord! Autoritetet: Asnjë i mbijetuar

Politiko 12 Qershor 2025, 14:50
Tragjedi në Indi/ Rrëzohet avioni me mbi 200 pasagjerë në
Pamje nga vendngjarja

Një aksident tragjik ajror është regjistruar këtë të enjte në Indi, ku një avion me mbi 200 persona në bord është rrëzuar, goditje e cila ka rezultuar fatale për shumicën e pasagjerëve. Shefi i policisë indiane, ka deklaruar për Associated Press se nga aksidenti tragjik i avionit Boeing 787-8 Dreamliner menjëherë pas ngritjes nga aeroporti i Ahmedabad, nuk ka asnjë të mbijetuar.

“Duket se nuk ka të mbijetuar nga përplasja e avionit”, deklaroi G.S. Malik.

Sipas tij, për shkak se avioni u rrëzua në një zonë të banuar me banesa dhe zyra, ka shumë gjasa që edhe banorë lokalë të jenë mes viktimave, pasi ndërtesa në të cilën u rrëzua avioni është një konvikt mjekësh.

“Po punojmë për të përcaktuar numrin e saktë të viktimave”,  shtoi ai.

Përplasja ndodhi menjëherë pas ngritjes, kur avioni kishte arritur një lartësi prej rreth 190 metrash.  Shërbimet e emergjencës vijojnë kërkimet në vendin e ngjarjes, ndërsa autoritetet kanë nisur hetimet për të zbardhur shkaqet e aksidentit tragjik.

Sipas njoftimit zyrtar të “Air India”, në fluturimin tragjik AI171 ndodheshin pasagjerë të disa kombësive.

Në bord ishin:

169 shtetas indianë
53 shtetas britanikë
7 shtetas portugezë
1 shtetas kanadez

Të fundit