Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Aksidenti në Sarandë, deputeti italian kërkon drejtësi: Më shumë zhurmë për faturën 80Є se për jetën e dy të rinjve

Politiko 26 Gusht 2023, 15:12

Aksidenti në Sarandë, deputeti italian kërkon drejtësi:

Deputeti italian i Alleanza Verdi Sinistra, Francesco Emilio Borrelli, është shfaqur kritik me kryeministrin Giorgia Meloni, lidhur me aksidentin e rëndë në Sarandë ku humbën jetën dy turistë italianë, pasi u përplasën me makinë nga një 17-vjeçar.

Mediat italiane kanë publikuar shkrimin e Borrellit në të cilin deputeti italian shprehet se qeveria italiane duhet të kërkojë drejtësi nga Shqipëria për vdekjen e dy turistëve italianë. Borrelli shkruan se nuk ka pasur asnjë reagim nga qeveria shqiptare dhe as nga kryeministri Edi Rama.

Deputeti italian thotë se më shumë zhurmë u bë për një faturë 80 euro të papaguar nga katër italianë në Berat, se sa për humbjen e jetës së dy turistëve italianë.

"Shpresoj që kryeministrja Giorgia Meloni të marrë masa në kohë për t'i kërkuar drejtësi qeverisë shqiptare për Domenico Gritto dhe Vincenzo Tizzano, dy të rinjtë nga Monteruscello të vrarë në Sarandë në Shqipëri nga një Mercedes i drejtuar nga një i mitur i cili në asnjë mënyrë nuk mund të ishte në timon, siç konstatohet nga vetë Policia që po heton.

Bëjeni me më shumë këmbëngulje dhe vendosmëri me të cilën ndërhyni për të mbrojtur restorantin shqiptar duke paguar faturën prej tetëdhjetë eurosh për katër automobilistët italianë që u larguan nga restoranti pa paguar. Fatkeqësisht, për momentin nuk është thënë asnjë fjalë për bashkëqytetarët tanë që humbën jetën në aksidentin tragjik, as nga ju dhe as nga kryeministri shqiptar Edi Rama. Fatkeqësisht, një faturë e papaguar në një restorant bën më shumë zhurmë se dy italianë që janë viktima të një goditjeje ", ka thënë deputeti italian.

Të fundit