Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Akuzat për korrupsion, jep dorëheqjen kancelari austriak Sebastian Kurz

Politiko 9 Tetor 2021, 20:23

Akuzat për korrupsion, jep dorëheqjen kancelari austriak Sebastian

Kancelari austriak Sebastian Kurz njoftoi se do të japë dorëheqjen, si përpjekje për të shuar zërat që u shkaktuan nga njoftimi i prokurorëve se ai është një objektiv i një hetimi korrupsioni.

35-vjeçari tha se ka propozuar që ministri i jashtëm Alexander Schallenberg ta zëvendësojë atë. Por vetë Kurz do të mbetet në politikën e vijës së parë. Mediat e huaja raportojnë që ai deklaroi se do të bëhet kreu i grupit parlamentar konservator të Partisë Popullore Austriake.

Partneri i vogël i partisë së Kurz, të Gjelbrit, thanë sot se ai mund të qëndrojë si kancelar dhe kërkoi që partia e tij të emërojë një "person të padiskutueshëm" për ta zëvendësuar atë.

Udhëheqësit e opozitës kishin bërë thirrje që Kurz të largohej dhe planifikuan të paraqisnin një mocion mosbesimi kundër tij të martën në parlament.

Koalicioni i parë i Kurz me Partinë e Lirisë së së djathtës ekstreme u rrëzua në vitin 2019. Kurz dhe bashkëpunëtorët e tij të ngushtë akuzohen se po përpiqen të sigurojnë ngritjen e tij dhe partisë së tij me ndihmën e sondazheve të manipuluara dhe raporteve miqësore në media, të financuara me para publike.

Kurz, i cili u bë udhëheqës i Partisë Popullore dhe më pas kancelar në vitin 2017 i ka mohuar akuzat.

"Janë të rreme dhe unë do të jem në gjendje ta sqaroj këtë - jam thellësisht i bindur për këtë", u shpreh Kurz.

Të fundit