Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Ambasadori rus në Poloni sulmohet me bojë të kuqe nga protestuesit në mbështetje të Ukrainës

Politiko 9 Maj 2022, 15:59

Ambasadori rus në Poloni sulmohet me bojë të kuqe nga

Ambasadori i Rusisë në Poloni është sulmuar sot me bojë të kuqe nga protestuesit kundërshtues të luftës në Ukrainë, duke e penguar atë të bënte nderime të hënën në varrezat e Varshavës për ushtarët e Ushtrisë së Kuqe që vdiqën gjatë Luftës së Dytë Botërore.

Zëdhënësja e Ministrisë së Jashtme ruse Maria Zakharova denoncoi sulmin, duke thënë se "ne nuk do të frikësohemi ndërsa populli i Evropës duhet të frikësohet të shohë reflektimin e tyre në një pasqyrë", raporton ABC.

Ambasadori Sergej Andreev mbërriti në varrezat e ushtarëve sovjetikë për të vendosur lule në Ditën e Fitores, e cila shënon humbjen e Gjermanisë naziste nga Aleatët. Festa e madhe patriotike ruse u festua me madhështi në një paradë në Sheshin e Kuq në Moskë.

Teksa mbërriti në Varrezat Ushtarake Sovjetike në kryeqytetin polak, Andreev u prit nga qindra aktivistë që kundërshtonin luftën e Rusisë në Ukrainë. Protestuesit fillimisht rrëmbyen një kurorë me lule që ai kishte ndërmend të vendoste në varreza dhe e shkelën. Bojë e kuqe iu hodh nga pas në drejtim të tij përpara se një protestues që qëndronte pranë tij t'i hidhte një njollë të madhe në fytyrë.

Protestuesit mbanin flamuj ukrainas dhe brohoritën kundër tij "fashistë" dhe "vrasës", ndërsa disa ishin të veshur me çarçafë të bardhë të lyer me të kuqe, që simbolizonin viktimat ukrainase të luftës së Rusisë. Njerëz të tjerë në rrethin e tij u panë gjithashtu të spërkatur me atë që dukej të ishte bojë e kuqe.

Zakharova tha se "admiruesit e neo-nazistëve kanë treguar edhe një herë fytyrën e tyre". Ajo tha se së bashku me heqjen e monumenteve të heronjve të Luftës së Dytë Botërore të ushtrisë sovjetike, sulmi pasqyroi "kursin për rimishërimin e fashizmit".

Qeveria polake u përball me kritika që nuk i dha ambasadorit më shumë siguri, duke lejuar që të ndodhte një incident që Rusia mund ta përdorte për ta përshkruar Poloninë si armiqësore ndaj Moskës.

Të fundit