Flash News

Nga shpenzimet e ceremonisë te mbishkrimi i varrit, zbardhet testamenti i Papa Françeskut

Vatikani zbulon shkakun e vdekjes së Papa Françeskut: Pësoi goditje në tru

Kush mund të jetë Papa i ardhshëm? 6 emrat e mundshëm

Pse vetëm një parti po bën fushatë në Shqipëri?

Makina bie nga ura në Pogradec, plagosen nënë e bijë

Bota

Amerika ul flamujt në gjysmë shtize në nder të Papa Françeskut

Politiko 21 Prill 2025, 20:56

Amerika ul flamujt në gjysmë shtize në nder të Papa

Presidenti amerikan Donald Trump ka urdhëruar që flamujt amerikanë të ulen në gjysmë shtize si shenjë respekti për ndarjen nga jeta të Papa Françeskut, i cili u nda nga jeta të hënën në moshën 88-vjeçare.

“Urdhri zbatohet për të gjitha ndërtesat dhe terrenet publike, në të gjitha postet ushtarake dhe stacionet detare, dhe në të gjitha anijet e Qeverisë Federale në Distriktin e Columbias dhe në të gjitha Shtetet dhe Territoret e Shteteve të Bashkuara, deri në perëndimin e diellit në ditën e varrimit,” thuhet në shpalljen zyrtare të publikuar nga presidenti.

Po ashtu, urdhri përfshin të gjitha ambasadat e SHBA-së, legatat, zyrat konsullore dhe objektet e tjera jashtë vendit, duke përfshirë bazat ushtarake dhe anijet detare.

Në Shtëpinë e Bardhë, gjatë aktivitetit tradicional të Pashkëve “Easter Egg Roll” që u mbajt në oborrin jugor, flamuri amerikan ishte ulur në gjysmë shtize që në mëngjesin e së hënës, në shenjë zie dhe respekti.

Vdekja e Papa Françeskut u njoftua nga kardinali Kevin Farrell përmes një deklarate të lëshuar nga Vatikani. “E gjithë jeta e Atit të Shenjtë iu kushtua shërbimit të Zotit dhe Kishës së Tij,” thuhet në deklaratë, ku theksohet se Papa Françesku i mësoi njerëzimit të jetojë sipas vlerave të Ungjillit me besnikëri, guxim dhe dashuri universale, duke u përkushtuar veçanërisht ndaj më të varfërve dhe të margjinalizuarve.

Papa Françesku u zgjodh në vitin 2013, pas dorëheqjes historike të paraardhësit të tij, Benediktit XVI. Ai ishte Papa i parë nga Amerika Latine dhe mbetet një figurë transformuese për Kishën Katolike.

Të fundit