Flash News

Misteri i vrasjes së Renis Dobrës, zbardhen dy pistat kryesore të hetimit

Ultimatumi i Ramës: Të hënën, të gjithë kryetarët e njësive administrative të jenë të shkarkuar

Zjarret në vend, 4 vatra zjarri ende aktive, si paraqitet situata

Rama shënjestron sërish prokuroren Shkodrës: Gjeli hartoi ese filozofike me pafajësinë e ndërtimit pa leje

I shpallur në kërkim për vjedhje, arrestohet 26-vjeçari në Durrës

Bota

Amerikanët mendojnë se SHBA po shkon drejt kaosit pas atentatit ndaj Donald Trump

Politiko 17 Korrik 2024, 14:48

Amerikanët mendojnë se SHBA po shkon drejt kaosit pas atentatit ndaj

Amerikanët druajnë se vendi i tyre po rrëshqet në kaos, pas përpjekjes për të vrarë ish-presidentin Donald Trump, zbuloi një sondazh i kryer nga agjencia e lajmeve, Reuters, dhe kompania e kërkimeve, Ipsos. Trump, i cili do të garojë në zgjedhjet presidenciale të nëntorit kundër presidentit aktual, Joe Biden, u plagos gjatë një tubimi në Pensilvani, më 13 korrik.

Sondazhi dyditor zbuloi se ai gëzon një epërsi të lehtë në mesin e votuesve të regjistruar, me 43 për qind mbështetje, kundrejt Bidenit me 41 për qind. Por, 80 për qind e votuesve - përfshirë demokratë dhe republikanë - thanë se pajtohen me deklaratën se “vendi po del jashtë kontrollit”.

Rreth 84 për qind e tyre shprehën shqetësim se ekstremistët do të kryejnë akte dhune edhe pas zgjedhjeve. Kjo shifër është në rritje nëse krahasohet me rezultatin e një sondazhi që Reuters dhe Ipsos kryen në muajin maj dhe që tregoi se 74 për qind e votuesve e kishin këtë shqetësim.

Frika nga dhuna politike në SHBA u rrit pasi disa mbështetës të Trumpit sulmuan ndërtesën e Kongresit amerikan më 6 janar të vitit 2021, në përpjekje për të përmbysur rezultatin e zgjedhjeve të vitit 2020, në të cilat Trump u mposht nga Biden.

Katër persona humbën jetën në ditën e sulmit, ndërsa një oficer i policisë që luftoi kundër rebelëve, vdiq të nesërmen./REL

 

Të fundit