Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Armëpushimi dhe ndihmat për Gazën, Biden dërgon Blinken në Lindjen e Mesme

Politiko 25 Maj 2021, 08:38
Armëpushimi dhe ndihmat për Gazën, Biden dërgon Blinken
Antony Blinken

Sekretari amerikan i Shtetit, Antony Blinken ka mbërritur në Izrael në fillim të një turneu në Lindjen e Mesme që synon forcimin e armëpushimit të javës së kaluar me Hamasin dhe fillimin e menjëhershëm të ndihmave humanitare në Rripin e Gazës.

Presidenti Joe Biden njoftoi se ai po dërgonte Blinken për të zhvilluar bisedimet e nivelit më të lartë të administratës së tij mbi konfliktin që nisi në fillim të këtij muaji, raporton Euronews.

Shtëpia e Bardhë tha më vonë se Biden kishte folur me presidentin e Egjiptit, një prej disa udhëheqësve që Blinken do të takojë gjatë vizitës së tij zyrtare, për të nënvizuar rëndësinë e marrjes së ndihmës në Gaza.

Departamenti i Shtetit tha se Blinken do të vizitojë Izraelin, Bregun Perëndimor, Jordaninë dhe Egjiptin. Këto takime vijnë në një kohë, kur administrata është përballur me kritika për reagimin e saj fillestar ndaj dhunës.

Në një deklaratë, Biden tha se Blinken do të punojë me partnerë rajonalë për të siguruar "përpjekjen e koordinuar ndërkombëtare për të siguruar ndihmën e menjëhershme në Gaza".

Diskutimet e Blinken me kryeministrin izraelit Benjamin Netanyahu, presidentin palestinez Mahmoud Abbas, presidentin egjiptian Abdel Fattah el-Sissi dhe mbretin jordanez Abdullah II do të përqëndrohen në forcimin e armëpushimit, dërgimin e ndihmës urgjente në Gaza, duke i dhënë fund dhunës.

Të fundit