Armin Laschet zgjidhet udhëheqësi i ri i CDU, i njohur si besniku i Angela Merkel

59-vjeçari Armin Laschet është kryetari i ri federal i demokristianëve të qendrës së djathtë të Gjermanisë (CDU).

Ai u zgjodh me 521 vota pro dhe 466  ndaj konservatorit Friedrich Merz.

Laschet, i cili njihet edhe si besniku i Merkelit, që nga viti 2017 ka qenë kryeministri i landit Renani-Veriore Vestfali dhe konsiderohej si politikani që mbështeste më fort kursin e Angela Merkelit e që luftonte për një « CDU të qendrës ».

Në fjalën e tij të fitores, Laschet u zotua të bënte gjithçka që partia të bënte mirë në zgjedhjet e ardhshme rajonale dhe të mbante pozicionin e Kancelarit.

"Më tej, zgjedhje më të rëndësishme janë akoma përpara nesh," tha ai. Ai gjithashtu falenderoi dhe vlerësoi kandidatët e tjerë për një konkurs "të ndershëm".

Nga viti 2012 Laschet është një nga të pesë zëvendëskryetarët e partisë CDU. Katoliku nga zona e Rinit ka qenë gjithmonë partner i besueshëm i drejtuesit aktual të partisë. Deri në vitin 2018, Angela Merkel dhe pasuesja e saj Annegret Kramp-Karrenbauer mund të mbështeteshin tek zëvendëskryetari i partisë. Kur Merkeli në vitin 2015 u përball me stuhi politike në Gjermani për shkak të politikës ndaj refugjatëve, Laschet mbeti një nga shoqëruesit më besnikë dhe bashkëpunëtor i kancelares.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm