Flash News

Jepte para me fajde dhe kanoste njerëzit, arrestohet nënkomisari në Elbasan (EMRI)

EMRI/ Drogë dhe armë pa leje, arrestohet i riu në Durrës, nën hetim bashkëpunëtori

Alarmi i zjarreve në vend, 6 vatra ende aktive, si paraqitet situata deri tani

I dënuar në Zvicër për trafik droge, arrestohet në Qafë Thanë maqedonasi (EMRI)

Temperaturat deri në 40 gradë! Parashikimi i motit për ditën e sotme

Bota

Barcelona do të rrisë taksën turistike

Politiko 22 Korrik 2024, 17:21

Barcelona do të rrisë taksën turistike

Barcelona planifikon të rrisë taksën turistike për pasagjerët e kryqëzorëve dhe trageteve që qëndrojnë në qytet për më pak se 12 orë, tha kryebashkiaku Jaume Collboni në një intervistë për gazetën El Pais.

“Ne do të propozojmë një rritje të konsiderueshme të taksës për pasagjerët e kryqëzorëve”, tha Collboni.

Kjo masë u shtohet një sërë masash që ai ka shpallur për të ulur ndikimin e turizmit masiv.

Vendimi vjen vetëm disa javë pasi protestuesit në Barcelonë spërkatën me ujë gjatë një demonstrate vizitorët e huaj duke brohoritur: “Turistë kthehuni nga keni ardhur”.

Barcelona do më pak turistë të cilët paguajnë më shumë Sipas agjencisë Statista vitin e kaluar në Barcelonë u regjistrua numri më i madh të pasagjerëve të kryqëzorëve, afërsisht 3.6 milionë pasagjerë.

Taksa aktuale turistike për pasagjerët e kryqëzorëve që bëjnë ndalesë në Barcelonë ishte 7 euro në ditë. Collboni nuk tha se sa do të rriste taksën turistike, por arsyet e tij janë të qarta.

“Pasagjerëve e kryqëzorëve që bëjnë një ndalesë më pak se 12 orë kemi një përdorim intensiv të hapësirës publike pa asnjë përfitim për qytetin dhe një ndjenjë okupimi dhe ngopjeje”, tha ai.

“Ne duam të kemi turizëm që respekton destinacionin,” shtoi Collboni.

Collboni njoftoi muajin e kaluar se administrata e qytetit të Barcelonës do të ndalojë duke filluar nga viti 2028 dhënien me qira të apartamenteve për turistët. Collboni ka vendosur edhe taksa të tjera turistike./DW

Të fundit